熱愛優質生活

【聲明】 U Lifestyle網站並無進行電話推廣活動

首頁   \   香港周圍遊   \   宵夜食乜好?港島區 4 條大路慢慢掃!

宵夜食乜好?港島區 4 條大路慢慢掃!

我好憎我自己。

點解明明食咗晚飯,一過咗十點,個肚又響過嘅?明明個胃係我嘅,但佢係都要同我過唔去嘅?

算喇,減肥?唔食飽邊有力氣減呀?長命脂肪長命減,食埋宵夜先諗啦,今次就同你掃掃港島中西區宵夜精選先。

第 1 站 天后清風街、大坑 首推打冷、甜品

大坑、天后一帶出名多好嘢食,而且唔少係主打晚市同宵夜,所以愈夜愈精彩。

要打冷,可以揀大坑銅鑼灣道鄭記(~01:00),鵝片、蠔餅、蜆仔肉等潮州特色小菜一應俱全;鍾情滷水嘅又可以去天后潮州邨(~00:00),滷水鵝肝、鵝腸同鵝肉係招牌菜。

當然,天后電氣道同清風街一帶都有其他好選擇,足料嫩滑清湯腩 - 華姐大利(兩間一樣~23:00)、甜姨姨(~02:00)芒果布甸、芒果雪糕、芒果乾等集合於一身嘅「大合奏」都係夜鬼推介,總之咸有咸食、甜有甜食,你係老闆,實有得揀嘅。

內容評分
評語