宵夜食乜好?港島區 4 條大路慢慢掃!

2015.04.28

第 1 站 天后清風街、大坑 首推打冷、甜品

大坑、天后一帶出名多好嘢食,而且唔少係主打晚市同宵夜,所以愈夜愈精彩。

要打冷,可以揀大坑銅鑼灣道鄭記(~01:00),鵝片、蠔餅、蜆仔肉等潮州特色小菜一應俱全;鍾情滷水嘅又可以去天后潮州邨(~00:00),滷水鵝肝、鵝腸同鵝肉係招牌菜。

當然,天后電氣道同清風街一帶都有其他好選擇,足料嫩滑清湯腩 - 華姐大利(兩間一樣~23:00)、甜姨姨(~02:00)芒果布甸、芒果雪糕、芒果乾等集合於一身嘅「大合奏」都係夜鬼推介,總之咸有咸食、甜有甜食,你係老闆,實有得揀嘅。

即睇全文介紹

第 2 站 銅鑼灣、灣仔謝斐道 深夜重口味

如果你自認「重口味」、或無辣不歡,咁就建議你嚟到謝斐道搵食!

喺呢條街,一蘭開廿四,你知架啦,咁除咗有岩一個人「重口味」地面壁思過食拉麵外,仲有會食到令你高呼「辣得好過癮呀!」嘅橋底辣蟹(~06:00)同隨變麻辣雞煲(~02:00)!剩係睇相紅噹噹咁,都已經熱血沸騰,最岩三五知己一齊嚟「啤啤」佢! 如果要食甜品,銅鑼灣都有店開到凌晨兩點。

大鑊呀你,熱氣又夜訓,出街帶定暗瘡膏啦。

即睇全文介紹

第 3 站 老蘭及「為食街」 唔係翠華咁簡單

情陷中環,個人有啲空虛,想食啲嘢,唔係又係翠華下話?即係呢,翠華就無話唔好,但係呢間嘢一到夜晚就唔係去嚟食嘢嘅,而係畀人去做「食物安全驗證」嘅,廢事阻住人入座做正經嘢啦。

想食糖水,可以踩上荷里活道鐵皮檔玉葉甜品(~00:00),食芝麻糊綠豆沙,都市傳說玉葉個阿姐係串嘴嘅,醒定啲。至於有「為食街」之稱嘅士丹利街,最有特色嘅其實係一堆好有風味嘅大牌檔,不過到咗夜晚就通常收檔,盛記係少數會開到夜晚11點嘅。

想食大牌檔?可以睇埋下面推介呀:(但唔係畀你宵夜去食架)

鐵皮檔好風味!香港4間響朵鐵皮大排檔

即睇全文介紹

第 4 站 西環卑路乍街 邪惡美食再現

卑路乍街仍然有唔少好味食店,讀港大兼有住Hall嘅朋友,應該對可可店(~04:00)唔陌生,因為佢都算係西環區宵夜「經濟之選」。據港大某學生透露,識食嘅,一定係食腸粉加蛋!

西環小食店之寶真滋味(~04:00),係原居民首推最邪惡嘅宵夜,假若你住港島西區,夜晚收到某個朋友來電「食唔食真滋味」,你小心啲,呢個朋友想你肥死。首推當然係雞髀,可以揀炸髀同燒髀,燒髀要等15分鐘,建議打電話落去留定。

另外,呢度有間阿一豬扒酸辣米線分店,開到23:30,想食豬扒、手撕雞可以嚟呢度。

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓