講起掃街,必定容易想起深水埗這個地方,的確有好多平民街頭小食都好出名。除了會帶大家去食人氣車仔麵外,仲會介紹最近一些新食店,讓大家掃街又有多些選擇。不過去深水埗唔係淨係得掃街,其實仲有好多尋寶好地方,可以買到有特色又平的東西。今次香港周圍遊帶大家到深水埗,發掘一下有咩超抵的好去處同美食啦!
第 1 站 五嫂石磨腸粉 $20歎即叫即蒸軟滑腸粉
深水埗最近新開的一間石磨腸粉專門店,每份腸粉都是用上每天新鮮磨製的米漿,再加入不同餡料,即叫即蒸,熱辣辣出爐!
雞蛋瘦肉碎腸粉($20),腸粉軟滑,帶點蛋香。蜜汁叉燒腸粉($20),啖啖叉燒粒。而蔥花蝦米腸粉($20),充滿蝦米鹹香~
五嫂石磨腸粉
地址:深水埗北河街98號地下B3號舖
營業時間:星期一至日上午6時至晚上8時
第 2 站 「店小二」小店 童年懷舊回憶尋寶好地方
深水埗這間懷舊小店可以尋回許多童年回憶,店內好多懷舊玩具和珍藏,有Yes卡、玩具、模型、黑膠唱片等,絕對是個尋寶好地方。
「店小二」
地址:深水埗南昌街100號
營業時間:星期一至日下午1時半至晚上7時半
第 3 站 人氣黃金拔絲蛋糕 低糖冰鎮砵仔糕
深水埗的「榮家榚點烘焙店」,售賣人氣黃金拔絲蛋糕,每日新鮮出爐。蛋糕口感鬆軟,搣開仲有拉絲效果!一共有7款口味,有抹茶、芝士、朱古力等。($15/三件,$50/一打)。另外,仲有多款特別口味的低糖冰鎮砵仔糕,口感冰涼彈牙。($9/件,$24/三件)
「榮家榚點烘焙店」
地址: 深水埗桂林街50A號地下2號舖
營業時間:星期一至日下午12時半至晚上10時半
第 4 站 深水埗玩具街 各式各樣的玩具、精品店
深水埗的福華街和桂林街有「玩具街」之稱,集合各式各樣的玩具、精品店。臨近聖誕,仲可以搵到好多聖誕主題的裝飾,還沒想好買咩禮物交換,不妨逛一逛睇睇有咩心水啦~
第 5 站 文記車仔麵 米芝蓮街頭小吃推介
這間打入米芝蓮街頭小吃推介的「文記車仔麵」,經常大排長隊,好有人氣!其中最吸引的地方是只需$13就可以食到手掌般大塊的花膠,膠質豐富。另外,湯底方面除了有腩汁之外,仲有得揀瑞士汁~再配上兩三個餸,款款都整得好入味。
文記車仔麵
地址:深水埗福榮街121號地下
營業時間:星期一至日上午11時至凌晨4時
第 6 站 特色鐵閘畫
食飽行吓附近,仲會發掘到四周都有好多鐵閘畫,每一幅都好有心思!不過,平日想睇到鐵閘畫就要等5、6點店鋪關門後才會出現,而周末去的話,因為大部份店鋪都不營業,所以日頭時間都會見到。