正在閱讀
【倒數好去處】再見2018!全港10大商場除夕倒數活動迎2019年

【倒數好去處】再見2018!全港10大商場除夕倒數活動迎2019年

2018.12.28

過完聖誕節又就快到除夕,除了到海濱睇住煙花倒數之外,好多人都喜歡到商場同自己鐘意的偶像歌星一齊迎接2019年的來臨,今次就為大家介紹大商場倒數好去處,仲有陳柏宇、2PM、鄭秀文、ToNick等現身,大家除夕當日可以同朋友或者家人一齊歡渡2018年最後一日。

第 1 站 新城市廣場

新城市廣場今年除夕有《Alice & Friends除夕夢幻倒數狂歡派對》,叫Alice的人同Alice的朋友可以近距離同表演歌手倒數,包括有陳柏宇(Jason)、C AllStar成員梁釗峰、陳健安同樂隊ToNick。等大家可以有歌聲陪伴大家迎接2019年。

除此之外,由即日起至12月31日期間,大家仲可消費換領新城市廣場與帝都酒店聯乘的《Alice漫遊奇幻仙境除夕自助晚餐》當中有以《Alice’s Adventure》童話仙境奇幻樂園為主題的手作甜品放題,大家可以一邊食一邊迎接2019年。

時間:待定

地點:沙田新城市廣場

 

第 2 站 MOSTown新港城中心

今年MOSTown新港城中心將會舉行「最炫MOSTown跨年之夜2019」倒數活動,韓國男演員崔宇植將會首度襲港,同大家玩遊戲迎接新一年。同場仲會有多位演員藝人包括陳凱琳、龔嘉欣、譚凱琪同陳庭欣助陣,同大家開心迎接2019。

時間:晚上10時30分至12時15分

地點:馬鞍山鞍祿街18號MOSTown新港城中心L2天幕廣場

 

 

第 3 站 尖沙咀The One

今年尖沙咀The One商場就會免費派發The One 2019除夕倒數煙花匯演入場劵,到時大家可以在商場高層欣賞除夕倒數煙花匯演,有興趣的朋友記得去搶飛啦!

時間:晚上11時
地點:The ONE L16 The AIR

第 4 站 荃灣愉景新城

如果唔想睇煙花的話可以考慮去睇住飄雪迎接2019年。荃灣愉景新城將變成近萬呎飄雪聖誕樂園,現場有多個影相位,包括高光影投射滑梯、白色堆雪樂園、水晶冰屋、高達6米巨型聖誕樹等等。商場亦會定期製造飄雪效果,而今次荃灣愉景新城用的大型仿雪場景亦曾經使用在經典電影哈利波特、明日之後等荷里活大片中,大家可以一邊望飄雪一邊影靚相。

時間:上午10點至晚上10點
地點:D・PARK愉景新城L1

第 5 站 東港城

東港城今年特別邀請到鄭秀文首次出席商場倒數活動擔任嘉賓,同大家齊齊迎接2019年。除此之外現場仲會有一眾歌手藝人包括劉浩龍(師兄)、菊梓喬(Hana)、譚嘉儀、簡淑儀、鄺潔楹同丁子朗亦將現身商場同大家玩遊戲送禮物,又會輪流獻唱多首大熱歌曲,迎接美好新一年。

時間:  晚上10時正至零晨0:10
 
地點:  東港城一樓展覽場(港鐵坑口站A1出口)

第 6 站 黃金海岸商場

今年2018除夕黃金海岸商場將會舉行「Let’s Party!Happy Sing除夕音樂夜」,到時會邀請鄧佩儀、翟威廉、巨聲幫周志康及新晉樂壇歌手謝文欣用歌聲陪伴大家。另外仲會同大家玩互動遊戲送獎品等大家過一個開心的除夕。

時間:下午11時00分 至 凌晨12時05分

地點:黃金海岸商場


 

第 7 站 荷里活廣場

荷里活廣場「除夕倒數2019大派對」今年邀請新世代男神余德丞同大孖周志文同大家玩遊戲同唱歌!同場仲有唐詩詠、姜麗文載歌載舞同大家表演!而陳豪同王浩信更會壓軸現身,中唱靚歌,齊齊迎接2019!

時間:  晚上10時至凌晨1205

地點鑽石山荷里活廣場一樓明星廣場

 

 

第 8 站 MCP 新都城中心

MCP 新都城中心除夕倒數 Party 2019今年請到各種明星情侶檔同大家歡度2018年最後一日,包括有馬國明同黃心穎、陳展鵬同單文柔、鄭俊弘同何雁詩、謝東閔同朱智賢,等大家可以甜甜蜜蜜地迎接2019年。

時間:10:30pm - 12:15am
地點:MCP CENTRAL (新都城中心2期) L1天幕廣場

資料及圖片來源:MCP 新都城中心

第 9 站 大埔超級城

今年大埔超級城搵來袁偉豪齊齊倒數迎接2019年!大家只要捐款HK$50俾「大埔浸信會社會服務處」就可以換到《狂歡倒數迎2019》VIP區入場證乙張,仲可以同袁偉豪影相留念添!

換領日期:2018年12月17日至31日
換領時間:中午12時至晚上9時
換領地點:C區顧客服務中心
(名額有限,先到先得,換完即止。)

資料及圖片來源:大埔超級城,袁偉豪Instagram

第 10 站 上水廣場

上水廣場今年會舉行夢幻倒數派對迎 2019活動,仲會請來韓國人氣組合2PM成員俊昊、香港組合Shine、出爐視后李佳芯、吳若希、劉佩玥、陸浩明、劉穎鏇、鍾晴、陳晨等等,鐘意他們的朋友記得去捧場啦。


時間:晚上 10 時至凌晨 12 時 15 分
地點:上水廣場 2 樓中庭

資料及圖片來源:上水廣場,fb@shine, fb@2pm

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠