正在閱讀
【新年2019】10款豬年創意設計利是封晒冷!電影金句/諧音/流行潮語/食字

【新年2019】10款豬年創意設計利是封晒冷!電影金句/諧音/流行潮語/食字

2019.01.23

又到農曆新年!無論係派利是定收利是相信大家都想要一個有特色又靚的利是封,除了傳統或者卡通款式的利是封之外,今次就為大家介紹幾款創意搞笑利是封,例如有港式流行潮語、用上「諧音」或玩食字設計的款式,夠晒獨特,今年一於搞搞新意思,唔怕撞款之外,派利是都派得開心啲啦!

圖片來源:PINKOI

第 1 站 「豬」你新年快樂插畫利是 $40.5/10個

今年係豬年,當然唔少得豬仔啦!以下這一款「豬」你新年快樂插畫利是封一共有兩款,第一款正面畫有一隻豬仔同熊仔,好開心咁同你講「豬」你新年快樂,背面就寫住「吃飽飽、睡飽飽、賺飽飽」。第二款就有一隻懶瞓豬和豬錢罌,祝大家新一年可以食好瞓好~

 

>>購買網址

第 2 站 花開富貴新年禮包套裝 小春聯+利是封$81.9/27個

唔鍾意卡通公仔的朋友可以考慮這一款印滿水彩花卉圖案設計的利是封,每個利是封都用上不同花朵設計,顏色鮮艷搶眼!

>>購買網址

第 3 站 「蛋定人生」利是封 $21.5/6個

搞怪角色「蛋定人生」的產品一向受歡迎,臨近農曆新年就推出了3款利是封,最搞笑係其中兩款上面寫住「恭喜發財 紅包拿來」同「擋點郎(借點錢)來花花」,話唔定可以試下遞給長輩暗示要佢哋封利是~三款圖案一包入面各兩個,總共6個。

>>購買網址

第 4 站 福氣豬豬新年禮盒 $113.1

雖然狗年即將過去,不過鍾意狗仔的朋友都仲可以買到狗狗利是封,小法鬥仲換上豬年新裝扮豬,好可愛!

>>購買網址

第 5 站 諸事大吉 (豬柿大桔) 可愛燙金利是 3入裝$16.9/6入裝$28.5

 

「豬柿大桔」利是封就大玩「諧音」,而且設計簡約可愛,以燙金印上柿、豬、桔,祝大家「諸事大吉」,簡單直接!

>>購買網址

第 6 站 那星賀年套裝 利是封+貼紙+揮春 $88

相信唔少香港人聽到「我真係恭喜你呀」都會覺得好有親切感!本土設計館「丟那星」就推出了一款印有「我真係恭喜你呀」的利是封。除了利是封外仲有揮春貼紙,揮春貼紙就寫住「小人退散之 人人有腦用」,好有香港特色~

>>購買網址

第 7 站 U-PICK原品生活 詞語新年燙金利是 $11.2

利是封一共有8款,每款都大大隻字印有個祝福詞語,包括吃好、喝好、給力、旺來、有錢、任性、呵呵、桃花。不同款可以派給唔同人,係一個不錯的選擇

>>購買網址

第 8 站 2019豬年創意代幣 豬年生肖紙幣書籤 $34.5

這一間店舖每年都會設計生肖紙幣,今年一共有5款不同的幣值,每款都以廣東話幫豬仔起名。係利是封入面夾一張豬仔紙幣給朋友,惡搞朋友一流~

>>購買網址

第 9 站 我真係恭喜你呀利是套裝 $50

「俊?邊到俊呀?」呢句對白係咪有聲呢?這一款利是套裝入面有4款設計,畫上了香港人十分熟悉的名人名句,包括「大美人」、「金將軍」、「周星星」及「28座阿進」,每款5個,一於送俾朋友恭喜下佢地啦。

 

>>購買網址

第 10 站 郭公館春聯合集

新年除了要「身體健康」「學業進步」,仲想「中頭獎」、有「易瘦體質」、「爽爽過日子」!來自台灣的郭公館就設計了一系列簡單直接、生活化的揮春利是,按圖睇下有咩搞笑願景啦。

>>購買網址

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠