【年宵2019】銅鑼灣維園年宵懶人包!7大精品攤位/12款美食推介

文: Eunice Lam
2019.02.01

2019維園年宵已經開鑼,到年初一清晨就完結。銅鑼灣維園年宵市場有464檔乾濕貨攤位,今年適逢豬年,場內有不少得意豬仔精品,小編為大家精選7檔攤位!同場仲設有多個美食攤檔,有一系列美食,最啱行完年宵花市去醫肚,推介12款年宵美食,大家去之前做足準備,就可以直接向心水精品及美食出擊啦!

第 1 站 珍豬母

珍豬母攤檔中最吸引的莫過於有一大隻豬仔在杯頂的珍珠奶茶攬枕($228),十分可愛。另外仲有售賣多款豬仔造型食品攬枕($128)。

第 2 站 堅系朱豬s

堅系朱豬s自家畫製多款豬仔人氣卡通產品,包括有蠟筆小新、多啦A夢、小丸子等等,有布袋($68)、貼紙($98)、電話殼($88)。另外仲有香港特色小食媽咪麵同魷魚絲的豬仔版文件夾($20),十分搞鬼。

第 3 站 豬仔士多

豬仔士多自家製3款攬枕,有午餐肉罐頭($198)、盒裝朱古力奶($188)同豬仔薯片($298),薯片內仲有4個小攬枕!

第 4 站 Draw銀住哂

Draw銀住哂由plastic thing等多個本地插畫家組成,攤檔售賣廚師腸memo子、鐵牌、閃卡passport套、電話殼等等。比較特別的是有現場有部Draw銀住哂跪完機,大家買滿$328就可以得到人手畫的提銀卡、利是封同銀紙各1張。

第 5 站 真寶珠

真寶珠以豬仔同茶餐廳食品為主題,售賣布袋($45起)、貼紙($10)、文件夾、攬枕($100)等等,別具香港特色。

第 6 站 乘大士多

乘大士多售賣豬仔童年玩具攬枕($248)同大大枝裝麥精攬枕($268),非常搶眼。攤檔仲有自家設計的白兔糖毛巾($100)、香港18區鐵牌($70)、布袋($60)同文件夾($20),可以去睇吓。

第 7 站 鐵皮工作室

鐵皮工作室售賣多款特色懷舊鐵牌($70),由香港設計師設計,有多款以豬年為主題的鐵牌,同時仲有由以新年恭賀說話為主題的產品,十分有特色。

第 8 站 快餐攤檔 A檔

行完年宵當然要醫肚啦!率先推介「快餐攤檔 A檔」,有多款美食,包括芝士拉絲腸 ($40)、蜂蜜芥末黑松露薯條 ($35)、芝士焗扇貝 ($38)、玉子燒 ($30)、帝王蟹棒 ($40)、雞翼包飯 ($30)、天婦羅軟殼蟹 ($38)、菠蘿梳打 ($38)、雞腿卷 ($25)、一口牛 ($40)、芝士炸雞 ($30)。

第 9 站 快餐攤檔 C檔

第二檔就係「快餐攤檔 C檔」,有黑松露蝦多士 ($30/2件)、芝士薯餅厚蛋燒 ($40)、芋圓豆花 ($30),好吸引!

第 10 站 小食店

除了快餐攤檔外,場內都有不少小食店,推介「嚐雪」及「和興隆」。「嚐雪」必食榴槤糯米糍 ($18)、特濃朱古力 ($18)、芝士曲奇糯米糍 ($15);而「和興隆」可以一試士多啤梨冰糖葫蘆 ($20)。

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓