【紅磡好去處】紅磡影相掃街半日遊 爆醬芝士雞排/海洋風樓梯畫

文: Toby Mok
2019.02.08

好多人放假都喜歡去周圍影相食小食掃街,今次就帶大家去出名多美食的紅磡掃街食街頭小食,包括食爆醬芝士雞排、厚切鰻魚玉子熱狗等等。除此之外,仲會同大家去樓梯畫影靚相,一齊睇吓詳細行程!

第 1 站 樓梯畫

樓梯畫以海洋為主題,樓梯畫滿不同的魚類,仲有海龜添。另外仲有2條充滿特色的彩色樓梯,最適合大家去影靚相打卡!

地址:紅磡道佛光街天橋兩旁,紅磡道黃埔花園

 

第 2 站 魔法雞排

店舖主打多款特色炸物,包括有炸雞排、芝士條、炸粗薯條等等。而今次就為大家試了手掌芝心雞排($30)同酥炸杏鮑菇($25)。雞排肉質算嫩滑,一口咬落去有爆醬效果,芝士醬從雞肉中流出,十分惹味,芝士迷可以一試!另外,酥炸杏鮑菇的炸漿算薄,杏鮑菇一啖一口,十分滋味。

店舖資料:魔法雞排

地址:紅磡德民街1-15號黃埔新邨地下A4A號舖


第 3 站 ICONIC H 特色熱狗店

店舖主打售賣多款口味的熱狗,例如松業蟹熱狗、鴨肝熱狗、和牛漢堡熱狗等等,今次就試了厚切鰻魚玉子熱狗$108(大鰻狗)同明太子煙三文魚熱狗。厚切鰻魚滑蛋熱狗有原條厚切鰻魚,而鰻魚下仲有一大片滑蛋,咬到最底仲有條熱狗腸,我分足料。熱狗分量算大,女生的話可以一隻熱狗分來食都夠飽,性價比算高。

店舖資料:ICONIC H 特色熱狗店

地址:紅磡必嘉街97號黃埔唐樓C座106A舖


 

第 4 站 長泡茶

食飽當然要飲杯茶飲解吓渴,長泡茶,當中售賣多款台灣茶飲,當中比較特別的是芝士提子長泡茶,提子味香,連飲料上的芝士奶蓋一齊飲,十分配合。店亦有少量坐位可以俾大家一邊影靚相一邊品嚐飲品添。

店舖資料:長泡茶

地址:紅磡必嘉街113號


 

第 5 站 海景日落

掃完街又影相靚相可以去紅磡碼頭的公共空間睇日落,好多人都不知道原來紅磡都有地方睇到海景日落,講緊就是在嘉里酒店對出有一個公共空間,公共空間有一大片草地,大家可以一邊坐在草地一邊欣賞日落,十分浪漫。

地址:紅磡紅鸞道 38 號

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓