正在閱讀
【荃灣美食】荃灣6大抵食靚Cafe推介 轉角‧見/一日之間/Cafe Swan

【荃灣美食】荃灣6大抵食靚Cafe推介 轉角‧見/一日之間/Cafe Swan

2019.02.22

自荃灣南豐紗廠The Mills開幕後,荃灣就成為不少文青打卡的蒲點。除了打卡位之外,仲有不少值得一去的café。小編今次就為大家帶去6間位於荃灣的咖啡店,包括有Koko Coffee Roasters、白宮 White House Café、Aroma Dessert Cafe等等,有主打甜品咖啡,亦有提供正餐小食,有時間不妨去荃灣睇睇~

店舖位於南豐紗廠,以輕食料理為主打。以純白簡約風設計配搭復古家具擺設,環境清新而舒適。南瓜濃湯稻庭烏冬($88)限定每日1pm至3pm限定供應,配上冰凍的百里香檸檬梳打($50)就最好不過。每日更會有不同款式的甜品供應,如士多啤梨蛋糕($55/件)。
地點:南豐紗廠103號店
營業時間:12nn-6pm(逢星期三休息)
即睇全文介紹
即睇全文介紹
一直於港島區發展的CoCo espresso,最近終於進駐荃灣南豐紗廠。店內設計十分型格,食器都十分新穎。咖啡以中式茶壺盛載,香濃帶果酸味。除了咖啡,Café亦供應主食,如滷豬肉飯。仲有多款西式麵包及糕點,用來配咖啡一流。
地點:荃灣白田壩街45號地舖
營業時間:星期一至五:9am-8:30pm/星期六至日:11am-8:30pm
即睇全文介紹
即睇全文介紹

第 3 站 Cafe Swan

荃灣的咖啡店愈開愈多,想要突圍而出留住客人就要花點心思。在荃灣屹立多年的Cafe Swan 咖啡灣就以特色甜品為賣點,就如士多啤梨玫瑰窩夫餅,用士多啤梨、星星脆脆及棉花糖裝飾,加上自家製玫瑰醬及比利時雪糕,既美味又美觀。其次就係原隻軟殼蟹黑松露意粉,香脆好味。另外,店內有多款咖啡提供,更有特別的三眼仔綠茶牛奶等。
地址:荃灣眾安街68號千色匯2期地下G30-G33號
營業時間:星期一至日:12:00 - 22:00

第 4 站 白宮 White House Café

白宮咖啡室以「相機食先」為主題,除了店內裝潢非常適合打卡之外,Café供應每一道美食都會讓你忍不住先打卡。店内提供的各種道具,協助大家影靚相。來到一家要叫的一定是熱飲,因為大家可以揀自己鐘意的拉花圖案,十分可愛。

地址:荃灣享和街16號嘉華樓地下D舖

營業時間:星期一至日:12:00 - 22:00

第 5 站 轉角‧見

主打特式漢堡的轉角‧見咖啡店位於隣近地鐵站的小商場內。「型男漢堡」配薯條($60)除了配料豐富之外,夾心的牛肉多汁,厚身足料。另外更受人注目的是店裡的奶昔系列,當中的特濃花生醬奶昔($35)十分少見,味道新奇。
地址:荃灣西樓角路202-216號荃昌中心昌寧大廈地下66號舖 
營業時間:星期一至日11:30 - 22:15

第 6 站 Aroma Dessert Cafe

主打甜品的Aroma Dessert Café以非常受歡迎的厚Pancake作招徠,士多啤梨厚Pancake配雪糕($65),口感鬆軟。除了Pancake之外,仲有多款不同甜品,如雜果拿破崙伴雲尼拿雪糕($55)等。價錢親民,值得一試。
地址:荃灣鱟地坊38-46號祐強樓地下42號舖 
營業時間: 星期二至五: 15:00-22:30/星期六至日: 14:00-23:00/星期一: 休息

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠