正在閱讀
【元朗美食】元朗6大抵食甜品店推介 摩登士丹里/小確幸/貓星人

【元朗美食】元朗6大抵食甜品店推介 摩登士丹里/小確幸/貓星人

2019.03.14

好多人都喜歡入元朗食佳記的B仔涼粉,但其實元朗除了有B仔涼粉之外亦有好多其他甜品店的選擇,今次就為大家介紹6間元朗特色甜品店,包括有The Waffle Club、摩登士丹里、一肥貓古祖味蛋糕、貓星人、小確幸等,一齊睇吓每間甜品店有咩美食、詳細地址及營業時間!

The Waffle Club主要售賣外表特別的心型雞蛋仔,而店舖亦不時伯會加入不少新口味!除了有經典原味、朱古力心太軟、芝士四重奏等,之前新店開張仲推出獨角獸造形的心型雞蛋仔。另外,黑珠誘惑是香港店獨家,可選牛奶雪糕、伯爵茶雪糕或兩款混合的扭紋雪糕,配宇治抹茶雞蛋仔。黑糖珍珠頗煙韌,雪糕亦不會太甜膩,可以一試,按下圖睇有咩食及價錢。

營業時間:星期一至四、日(12:00-21:00) 星期五至六(12:00-22:00)

地址: 元朗西菁街2號興旺樓地下1C號鋪

即睇全文介紹
即睇全文介紹

第 2 站 摩登士丹里

摩登士丹里是一間主打懷舊路線的港式珍珠奶茶店,售賣多款茶飲及芋圓甜品,包括有士丹里豆花珍珠奶茶 榴槤皇豆花芋圓 我最喜愛芋圓,材料十分豐富,配有紫薯、珍珠、小丸子、三色芋圓、涼粉及仙草,不過當日仙草缺貨,所以換上紅豆湯,但都十分足料,有興趣可以一試,按下圖睇有咩食及價錢。
營業時間:星期一至日12:00 - 23:00
地址: 元朗青山公路元朗段22-26號金源大廈地下1號舖

第 3 站 一肥貓古祖味蛋糕

台灣一肥貓古祖味蛋糕店的蛋糕師傅在台北拜師學習製作正宗的台灣古早味蛋糕,而且堅持手工製作,誠意滿分,深受街坊歡迎。店舖專售三款蛋糕,原味、肉鬆味、芝士味,蛋糕有2.5吋厚,口感濕潤鬆軟,有陣陣蛋香。芝士味蛋糕裏面鋪滿澳洲芝士,芝士的鹹香跟蛋糕的甜味好夾,按下圖睇有咩食及價錢。

營業時間:星期一至日 1pm - 8pm

地址: 元朗又新街27-29號建威大廈地下7號舖

滔滔甜品以懷舊港風作主題,牆身掛滿舊式郵箱和生活用品,裝潢有特色又有心思,最特別一定是「滔滔雜崩冷」,內有10多款配料:芋圓、地瓜圓、清心丸、涼粉、雪耳、西瓜、芒果、哈蜜瓜、西米、薏米、蓮子、黑珍珠等,份量十足且豐富。另外當然仲有其他甜品,包括:鮮雜果黑珍珠 清心丸配綠豆爽 桑寄生蓮子蛋茶等等,六是元朗區另一個宵夜選擇,按下圖睇有咩食及價錢。

營業時間:星期一、三至日16:30-01:00,星期二休息

地址: 元朗康樂路8號康樂廣場地下9號舖

即睇全文介紹
即睇全文介紹

第 5 站 貓星人

貓星人是間主要售賣多款特色雪糕同台式飲品的甜品店,每款甜品都七彩繽紛,外表十分吸引,包括有雲上的貓星人、美人魚之淚、夢幻獨角獸等等,全部雪糕都以天藍色主題,適合打卡影靚相。另外仲有,多款咖啡、珍珠奶茶、冰樂等等,同樣吸引,有興趣可以試試,按下圖睇有咩食及價錢。

營業時間:星期一至日:12:00-21:00

地址:元朗馬田路50號朗景臺2座地下13號

資料及圖片來源:貓星人•Scaredy Cat

第 6 站 小確幸

小確幸主打售賣近年大熱的布丁燒,布丁燒頂層為芝士蛋糕,中間為布丁,而布丁面層有焦糖,食落十分有層次。店舖仲會設有幾款字句等大家可以用布丁燒傳達心意,用來做散水餅一流,按下圖睇有咩食及價錢。

地址:元朗馬田路50號朗景臺2座地下12號舖

營業時間:星期二至日12:00 - 21:00

資料及圖片來源:小確幸

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠