【全港美食】夏日9大消暑特色甜品推介 鮮芋仙/榴槤BB/ViaTokyo/美好年代

文: Toby Mok
2019.06.15

炎炎夏天最適心就是吃一些透心涼的解暑甜品,今次就為大家介紹全港10大適合夏天吃的甜品小食,包括有即叫即製榴槤茶飲、仙草芋圓、黑糖刨冰、雞蛋仔雪糕等等,一齊睇夏天有咩消暑解渴甜品推介。

第 1 站 貓星人

貓星人是間主要售賣多款特色雪糕同台式飲品的甜品店,每款甜品都七彩繽紛,外表十分吸引,包括有雲上的貓星人、美人魚之淚、夢幻獨角獸等等,全部雪糕都以天藍色主題,適合打卡影靚相。另外仲有,多款咖啡、珍珠奶茶、冰樂等等,同樣吸引,有興趣可以試試,按下圖睇有咩食及價錢。

營業時間:星期一至日:12:00-21:00

地址:元朗馬田路50號朗景臺2座地下13號

資料及圖片來源:貓星人•Scaredy Cat

第 2 站 The Waffle Club

The Waffle Club主要售賣外表特別的心型雞蛋仔,而店舖亦不時伯會加入不少新口味!除了有經典原味、朱古力心太軟、芝士四重奏等,之前新店開張仲推出獨角獸造形的心型雞蛋仔。另外,黑珠誘惑是香港店獨家,可選牛奶雪糕、伯爵茶雪糕或兩款混合的扭紋雪糕,配宇治抹茶雞蛋仔。黑糖珍珠頗煙韌,雪糕亦不會太甜膩,可以一試,按下圖睇有咩食。

營業時間:星期一至四、日(12:00-21:00) 星期五至六(12:00-22:00)

地址: 元朗西菁街2號興旺樓地下1C號鋪

即睇全文介紹

第 3 站 華Hana Soft Cream

華Hana Soft Cream主要售賣日式甜點為主,主打軟雪糕。大熱口味是抹茶8.0盆栽,每杯售價$30。雪糕外面撒滿抹茶粉,抹茶控一定為之瘋狂!與一般的雪糕不同,HANA Soft Cream特別採用特濃8.0北海道牛乳雪糕,入口奶味濃郁,雪糕亦非常軟滑。抹茶粉來自宇治山政小山園,味道甘香,抹茶味濃,可以滿足一班抹茶控的要求。

地址:深水埗欽州街37號西九龍中心6樓628A號舖

第 4 站 榴槤BB

鐘意食榴槤的朋友有機會已經聽過榴槤BB這個品牌,而他們於觀塘設立榴槤BB Cafe,提供即叫即製各種榴槤特飲,還特別介紹「一舊榴槤跌落奶」 (榴槤奶昔)、榴槤珍珠奶茶、榴槤芝士雲頂茶等等,加入了好多榴槤果蓉,每款特飲都陣陣榴槤香!

地址:觀塘敬業街 65-67 號敬運工業大廈2B

營業時間:星期一至日下午12時至晚上7時(星期二休息)

即睇全文介紹

第 5 站 雪之下(雪ノ下)

雪之下(雪ノ下)在上年9月於銅鑼灣開首間海外分店,店鋪招牌美食有日式厚燒班戟和日式刨冰。選用來自廣島的雞蛋製作而成的厚燒班戟 (4 cm厚度) 共有五款口味以供選擇,包括原味、橘子蜂蜜班戟、抹茶班戟特濃朱古力班戟等等。餐廳亦會隨著季節的變化不定期加入以時令鮮果製作而成的期間限定口味厚燒班戟。除了厚燒班戟之外亦可以試吓店內的刨冰,生黑糖刨冰、宇治抹茶刨冰 、士多啤梨牛奶刨冰

地址: 銅鑼灣希雲街1-5號

即睇全文介紹

第 6 站 鮮芋仙

台灣人氣過江龍連鎖芋圓店「鮮芋仙」4月已經登陸香港,於銅鑼灣開設首間分店,招牌甜品包括有芋薯圓Q麻糬牛奶冰、冰芋圓4號、仙草4號、綠豆糕麻糬拼盤、豆花2號等等,每款甜品會配上芋薯圓、小芋圓、Q麻糬及冬瓜凍等配料,每款配料都十分煙韌彈牙。

地址:銅鑼灣登龍街V POINT地下1號舖

營業時間:星期一至日12:00 - 23:00

即睇全文介紹

第 7 站 美好年代

美好年代最著名的甜品是將2大受歡迎食品,珍珠奶茶及梳乎厘班戟合併的珍珠奶茶梳乎厘班戟,賣相好吸引,口感軟綿,外層微焦,散發蛋香。除此之外,店舖亦推出香港限定的烤布蕾奶蓋波波茶。心水推介珍珠奶茶梳乎厘班戟布甸杯($42),上層是迷你梳乎厘班戟和粒粒黑糖珍珠,下層是奶茶布甸,層次豐富,茶味突出。當然仲有其他甜品啦,大家可以按下圖睇仲有咩美食。

地址:銅鑼灣邊寧頓街5號地鋪

第 8 站 Via Tokyo

Via Toky是間售賣不同口味的雪糕甜品店,當中比較受歡迎的是抹茶口味的甜品,雪糕店亦會不時更換餐牌,推出不同新口味的雪糕,相信每次去食都會有不同驚喜。

地址:銅鑼灣禮頓道106-126號禮信大廈地下1A-1B號舖

資料及圖片來源:Via Tokyo

第 9 站 摩登士丹里

摩登士丹里是一間主打懷舊路線的港式珍珠奶茶店,售賣多款茶飲及芋圓甜品,包括有士丹里豆花珍珠奶茶 榴槤皇豆花芋圓 我最喜愛芋圓,材料十分豐富,配有紫薯、珍珠、小丸子、三色芋圓、涼粉及仙草,不過當日仙草缺貨,所以換上紅豆湯,但都十分足料,有興趣可以一試,按下圖睇有咩食及價錢。

營業時間:星期一至日12:00 - 23:00

地址: 元朗青山公路元朗段22-26號金源大廈地下1號舖

即睇全文介紹

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓