正在閱讀
【西貢美食】西貢7大平民掃街美食推介 9吋半/髀魔/金雞去骨海南雞專門店

【西貢美食】西貢7大平民掃街美食推介 9吋半/髀魔/金雞去骨海南雞專門店

2019.09.19

西貢一向美食多,好多人放假都喜歡到西貢出海或者行山,而玩完當然要在西貢掃街食美食醫吓肚,今次就為大家介紹西貢多間平民掃街美食,包括有即炸巨型鹹蛋黃雞脾脾魔、特色熱狗店九寸半、泰式串燒旺泰特食等等,即睇7大西貢美食掃街推介。

9吋半是間主打熱狗的小食店,店內售賣多款特色熱狗及消暑飲品。小編心水推介是原隻軟殼蟹熱狗,小食即叫即做,食落口時軟殼蟹的外殼依然脆卜卜超足料。大家仲可以試埋用原個西瓜裝的鮮榨西瓜汁,夏天飲消暑最啱!按下圖睇價錢詳情。

地址:西貢福民路58號至72號高富樓37號地下

即睇全文介紹
即睇全文介紹

第 2 站 髀魔

食完輕食唔夠飽可以試試以即炸超巨型鹹蛋黃雞脾而出名的脾魔,雞脾份量十足,足足有成塊面咁大,而且鹹蛋黃用料亦充足,每啖都食到蛋黃得鹹香,十分惹味。另外亦可以試埋店舖新推出的甘梅炸小粟米,炸得十分爽脆,仲食到淡淡粟米香,店內當然仲有其他不同種類的炸物啦,大家可以一試,按下圖睇價錢詳情。

地址:西貢福民路58號高富樓18號地舖


 

第 3 站 Chip In Fish & Chips

西貢有名的英式炸魚薯條,大大份,魚肉加入啤酒生炸,外皮更加香脆,搭配他他醬,味道更豐富。魚肉質地甚有驚喜,肉質彈牙紮實,毫不鬆散,加分不少!除此之外,店內亦有另一人氣小食炸Oreo,炸Oreo炸得外脆內軟,口感特別,大家經過記得要試試啦!

地址: 西貢敬民街9號高勝樓地下11號舖

資料及圖片來源:Chip In Fish & Chips

第 4 站 金雞去骨海南雞專門店

金雞去骨海南雞專門店已經另有3間分店,但西貢總店的人氣依舊不減。店內主打去骨海南雞飯,去骨海南雞啖啖肉,雞肉嫩滑,完全不韌,雞皮亦很爽滑。隨餐搭配3款醬汁,分別有薑蓉、酸辣醬及甜豉油,雞肉蘸醬更加惹味!油飯粒粒分明,亦加入炸乾蔥,味道更香,按下圖睇價錢詳情。

地址: 西貢福民路(食街)34號地舖

第 5 站 西貢咖啡餅店

在西貢碼頭附近亦有間大受當區市民喜愛的平民麵包店西貢咖啡餅店。西貢咖啡餅店最出名的美食為厚切菠蘿油,新鮮出爐的菠蘿油中間夾住一塊厚切凍牛油,外冷內熱而且外脆內軟,味道不錯。大家行過可以食返個厚切菠蘿油醫吓肚,按下圖睇價錢詳情。

地址:西貢海傍廣場2號金寶閣6-7號舖地下

第 6 站 阿四糖水

阿四糖水主要售賣多款中式糖水及茶飲,包括近年大熱的黑糖珍珠鮮奶、水果茶等等,但價錢比連鎖品牌茶飲店更相宜,平均$20就有一杯,行街太熱買返杯解渴亦不錯。

地址:西貢福民街58號高富樓C座地舖

資料及圖片來源:阿四糖水 

第 7 站 果感生活

小店主打清新水果梳打,配上不同新鮮水果即場打氣而成。必飲推介有熱情果檸檬梳打,味道酸甜清新,內有粒粒熱情果肉,口感豐富,解渴一流!另外小編亦試飲了雜莓鮮橙梳打,味道同樣清新,惟果甜味不太突出,不過用來解解渴亦不失為一個選擇,按下圖睇價錢詳情。

地址: 西貢敬民街9號高勝樓地下13號舖

資料及圖片來源: 果感生活

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠