正在閱讀
【親子好去處】觀塘親子悠閒一日遊!室內遊樂場/BBQ韓服體驗/野餐睇日落

【親子好去處】觀塘親子悠閒一日遊!室內遊樂場/BBQ韓服體驗/野餐睇日落

2019.10.25

家長平日工作繁忙,周末當然想和家人好好放鬆一下共聚親子時光!今次就為父母們推介觀塘親子好去處,安排好一日遊路線,讓大家不用頭痕帶小朋友去邊玩。觀塘有不少室內遊樂場、親子餐廳、海濱公園等,集食玩買及影靚相的地方,小朋友可以盡情放電玩得開心!有興趣的家長不妨睇睇以下的行程介紹啦~

第 1 站 觀塘室內親子樂園「PlayLab反斗研究所」

於7月新開的觀塘室內親子樂園「PlayLab反斗研究所」,佔地逾7000呎,設約10個生活體驗遊樂區,各類型設施都應有盡有,當中最吸引的有PlayLab主題放電迷宮波波池,設多重障礙設計包括繩網、獨木橋、互動投影等。另外,亦有甜品體驗區、未來建築區、創意積木牆、MakeUp Studio、專為幼兒而設的Baby Gym等,讓小朋友發揮無限創意,體驗不同玩樂設施的樂趣。而綠野Glamping空間有草原小木屋、綠色草地、跳跳馬、跳跳鹿等Jumpy玩具,家長可以與小朋友一齊影相打卡。

PlayLab 特別設有育嬰室和獨立哺乳房間,體貼媽媽的需要,場內亦設鞋櫃及儲物櫃,家長可以放心地陪小朋友盡情玩!

地址:觀塘駿業街64號南益商業中心7樓

門票網上預訂及收費查詢:https://playlabhk.com/product/ticket/

WhatsApp預約及查詢:5507 5281

營業時間:早晨場:10:00-13:00、下午場:14:00-17:00、黃昏場: 18:00-21:00 (每逢星期二早上09:00-14:00為大清潔時段;另外每日13:00-14:00及17:00-18:00為間場清潔時段)。

收費價格合理,詳情按下圖參閱。

資料及相片來源:FB@PlayLab 反斗研究所

第 2 站 觀塘精品咖啡店NATIONS COFFEE

大人小朋友在室內親子樂園「PlayLab反斗研究所」玩到累之後可以去休息一下。推介大家一間位於觀塘的精品咖啡店NATIONS COFFEE,咖啡店以木色和白色設計為主,環境簡約舒適,另外仲有一幅5米闊的挪亞方舟手繪牆畫,大家可以邊歎咖啡邊影相打卡。除了精品咖啡之外,仲有花茶、自家製甜品,咖啡店亦供應bagel、沙律、All Day Breakfast、意粉等,大家可以醫肚啦!

地址:觀塘偉業街93號11樓Nations Coffee(近牛頭角地鐵站)

開放時間:星期一至五8:30am-5:30pm 星期六9am-5:30pm 星期日休息

訂座電話:2702 1909

第 3 站 觀塘海濱公園

食完野可以到海濱公園看海散步,這裡有不少影相位,例如四方亭、海濱長廊、觀景亭、花園草地等,係消磨時間的好地方,而黃昏時分海濱長廊更可以欣賞到日落美景!而且即將迎來秋天,在秋高氣爽的日子一家人更可以去野餐,觀塘海濱公園有不少草地供大家休憩或野餐,放假時不妨好好放鬆一下。

地址:觀塘海濱道80號

第 4 站 觀塘韓烤親子餐廳+兒童遊樂專區

玩了全日再吃個豐富的晚餐就完滿!為大家推介觀塘親子餐廳「炑八韓烤」,除了韓食外,餐廳的設施及裝潢都加入韓國傳統文化的元素, 可以帶小朋友放電之餘,還可以大歎韓國BBQ!用餐區打造成傳統韓屋,整個用餐地方猶如迷你的韓屋村,餐廳更有親子韓服體驗,提供多套精緻的韓服,當中小朋友的韓服可以免費租借,家長與小朋友可以一齊穿上韓服,在韓屋村場景影相留念,製造美好的親子時光。

同場亦設有兒童遊樂專區,區內提供不同的玩樂設施,如波波池、化妝桌、小型廚房、玩具車等,家長用餐時,小朋友就可以大玩特玩。

餐廳除了提供韓烤外,還設計出一系列兒童主食,大部份食材選自本地有機農場,炮製出營養豐富的韓式料理,餐牌詳情請參閱圖片。

地址:觀塘鴻圖道902樓(觀塘站B2出口)

電話:2326 2220

營業時間:星期一至五用餐時段安排 16:00 - 18:3019:00 - 22:00;星期六日及公眾假期用餐時段安排 12:00 - 15:0015:30 - 18:3019:00 - 22:00(星期一至五兒童專區下午16:00後才開放)

網上訂位:https://kidzone.meokbang.com.hk/booking

資料及相片來源:炑八韓烤官網

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠