夏日限定回歸!日清豚王中華冷麵

2016.05.01

郁一郁就成身汗的夏天,最啱食冷麵!

日清較早前推出的期間限定的「豚王中華冷麵」,今個夏天再次登場,經典醬油口味以外,冷麵系列亦備有芝麻醬味,味道夠清新。

暫見759阿信屋和優品360都有賣,售價約$32,內有5小包麵,除開每包平均要$6.4,都幾貴。

不過連店員都極力推薦,又指食品非常搶手,上架後很快就會搶購一空,一試無妨!

跟公仔麵差不多,內含醬料包,用來拌麵;沒有包裝袋上印有的青瓜、蟹柳和蛋絲,也屬意料中事。(笑~)

煮食方法:

1. 煲滾水後,放麵餅落煲煮4-5分鐘,視乎想要的麵質

2. 將煮熟的麵放入冰粒之中,以凍水過過冷河

3. 上碟,加入附送的醬料即食得,幾方便

冷麵的麵質的確不錯,夠爽口彈牙,就算沒有倒入冰水之中「過冷河」,仍保持彈性。

醬料份量足夠拌勻整份冷麵,不怕食到一半淡而無味;想豐富一點,可自行加入紫菜、肉鬆、雞蛋等簡單配料。

冷麵味道夠清新醒神,平日自備午餐的上班族踏入夏天就無胃口,可以一試,出門前大概10分鐘就準備好,帶回公司享用亦很方便。

*無論是阿信屋抑或優品360都經常缺貨,想買的話最好先打落鋪頭問問

活動資訊

  • 日期2016年5月1日起 由即日起發售至另行通知為止
  • 地址 759阿信屋、優品360分店有售

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓