新一代龍運機場巴士，來往粉嶺、上水至機場的A43同A43P日前正式投入服務，大家唔止搭飛機有商務位，連巴士都有「商務位」，這系列新車以「商務級」巴士作為賣點，於車箱設計和配套設備上都有不少革新，等小編同大家一齊睇吓新車5大賣點：
1. USB插頭
坐車撳電話似乎係現代人的習慣，對於機不離手的乘客而言，能夠一邊坐車，一邊叉住電用電話實在相當方便。
2. 免費Wifi無綫上網
乘客只需在Wifi設定選擇「KMB Free」，就可以根據指示免費使用Wifi，咁就唔怕浪費手機數據。
3.座椅新設計
新車的座位除了用上仿皮物料，設計比又以前更寬闊，而唔少人好怕坐的「倒頭車」亦有新設計，座椅中間的手柄可以隨意收起或放低，無論你保留個人空間抑或與隔離位保持親密都得，而上層座位椅背均加有腳踏和雜誌架，更似搭飛機的享受。
4. 無柱設計、低透光度玻璃
巴士上層採用新穎的無柱設計，增加車箱空間感。另外，有時搭長途車如果坐正窗口位，可能大家都會怕曬和熱，不過新車採用低透光度玻璃，無阻視線之餘，乘客亦毋需擔心太曬和太熱。
5. 車站資訊即時睇
乘客上車之後可以見到一個顯示屏，會顯示車站資訊，預計到站時間，並且有乘車提示訊息等，大家就唔使驚坐過站啦！
活動資訊
- 日期2016年6月11日起 起投入服務
- 地址 全港
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
