動漫電玩節完結後，又有香港電競音樂節將於今日(8月4日)一連3日在紅館舉行，各位喜歡電競的朋友可以考慮到場試玩最新遊戲，兼睇多位網絡紅人即場一較高下！
電競音樂節分3部分，其中Festival Zone嘉年華可即場購票入場，每位門票$10，包等值的美食券，可用於場內的小食攤檔或美食車，即刻帶大家睇下電競節5大好玩攤位及5大美食檔:
5大推介好玩參展單位:
1.Unisoft : 免費派《剌客教條》雪條 + 《剌客教條》影相位
動作冒險遊戲《刺客教條:起源》場景首現香港，除可在巨型刺客標誌、金字塔及獅身人面像前指照外，只要Share Facebook post 即可免費換領刺客雪條一支，每日數量有限，送完即止。
2.ZOTAC : 免費體驗VR遊戲
每日設有多場VR遊戲體驗，每人可試玩10分鐘，即場Walk-in便可參與。當中的牧場星球、原罪、Mirage VR 3大遊戲是首次登陸香港。另成功尋找全部MEK貼紙，可獲ZOTAC 3合1充電線。
3.Playstion體驗館 : 免費試玩龍珠、高達等近10個遊戲
館內放有16部遊戲機，其中4款遊戲，分別賽車遊戲GT SPORT、Dragon Ball FighterZ、新全民高爾夫球、KNACK 2，仍未推出市面！
4.工銀亞洲: 免費VR運動+影相區
一共有八款VR運動遊戲，如:籃球、棒球、賽車等，旁邊另有影相區，影完可即場打印出來，感覺較適合女生！
5. RETRO.HK 試玩紅白機、超級任天堂
展示80、90後都玩過的紅白機、超級任天堂遊戲，最重要係可以試玩，重拾兒時回憶。
玩一日點都要醫肚，近舞台位置有一條小食街，睇下5大消暑飽肚美食推介:
1.公主廚房 公主火龍寶$55 (大)
火龍果沙冰加上香蕉、燕麥，夠健康又飽肚。
2.豪園小食 招牌一字雞翼拼盤$39 / 檸檬茶 (另加$15)
新鮮即炸夠脆口，拼盤有齊3種口味，唔怕出現選擇困難症！
3.Gourment Tasty 玉子燒 $40 / 帶子 $40/串
玉子燒內有芝士、櫻花蝦、蟹柳，非常足料。帶子串夠大粒，不過一串得兩粒，有少少貴。
4.Bless Cold- Pressed Juice 冰鎮醉雞髀 $25
夠入味，熱辣辣下食都幾消暑！
5.有得餃水餃專門店 原隻西瓜汁 $40
清甜又有多西瓜蓉，但售價較高，扣了一點分。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
