第6屆香港食品嘉年華於10月28日至11月5日在葵涌運動場舉行，現場有不同美食攤檔，每天亦設有2款不同的美食車。
小編為大家搜羅各款人氣推介，周末可以相約朋友一起逐間掃！（入場費$5）
第 1 站 We Are One
$100拼盤可以任選3款小食，有岩鹽即炒和牛粒、德國豬手、彩虹流心芝士玉子燒等。
彩虹流心芝士玉子燒以帕馬臣芝士（Parmesan Cheese）、蜜瓜芝士、蟹柳等材料製成，表面鋪上巴拿馬火腿、木耳絲及蟹籽，口感豐富、蛋香嫩滑。
一口和牛粒和厚切豬手肉味濃郁，帶甜味，但肉質偏韌。
另一邊攤位主打台灣小食，其中雞翼糯米飯賣相吸引，每隻雞翼漲卜卜，塞滿糯米飯有咬口，雞翼香脆嫩滑。
雞翼糯米飯1隻（$25 ），2隻（$40）。
第 2 站 豪園小食美食車
主打單骨雞翼，共有3款口味，原味、芝士味及蒜醬豉油，外皮鬆脆，雞肉鮮嫩多汁。單款售$38（8隻），拼盤售$45（3款/12隻）。
第 3 站 有得餃美食車
五色餃子（$40）均以豬肉作內餡，配以不同蔬菜及外皮。
白皮餃子（韮菜）、香薑黃皮餃子（栗米）、菠菜綠皮餃子（冬菇白菜）、蕃茄紅皮餃子（甘荀雲耳）及紅菜頭紫皮餃子（香茜木耳）。餃子外皮薄而有口感，內餡足料。
第 4 站 元利行
以芋圓甜品作主打，有芋圓豆花（$20）、芋圓芒果刨冰（$38）等。芋圓口感煙韌，豆花尚算滑溜。
糖水刨冰、芒果酸甜可解芋圓飽滯感。不過要小心刨冰溶得很快，記得要盡快食完！
第 5 站 味一堆有限公司
新加坡特色甜品豆花布丁，除了原味外，另有朱古力、抹茶、杏仁、蜜瓜、榴槤等創新口味，展場亦特別推出秋冬滋補口味包括紅棗當歸。豆花布丁較普通豆花結實，口感順滑，食用時可以配以班蘭糖漿。
常溫下只可放置2-3小時，如非即食，建議臨離開時才購買，帶回家後需要冷藏。
【精選推介】
活動資訊
- 日期2017年10月28日 - 2017年11月5日 11am-8:30pm
- 地址 葵涌運動場
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
