西營盤新開日式甜品店 主打抹茶心太軟/足料梳乎厘

文: TenTen
2018.03.01

西環區向來是不少文青咖啡館、甜品店的熱門選址,滿滿的人情味讓人暫時放下活在都市的壓迫感。曾於美國擔任西、日餐廚師的張先生亦決定在西營盤「插旗」,去年12月開始與太太一同經營「松屋」甜品店。店舖主打抹茶、梳乎厘等,擺盤亦有花心思,食得又睇得!

店舖位於西營盤一條小斜路旁,鄰近地鐵站,約5分鐘步程。


舖仔細細頗別緻,大約可以容納22人;店內裝修簡單,牆身以青綠色為主,兩邊掛上圖畫。


梳乎厘、窩夫等甜品即叫即整,等候需時。記者重點推介以下4款甜品:


日式蕨餅抹茶心太軟伴抹茶雪糕($58),集合自家製抹茶心太軟配日產蕨餅、日產抹茶雪糕,再灑上抹茶粉,標榜使用京都丸久小山園抹茶粉。


店主會事先準備好心太軟,再翻熱製造流心效果。心太軟外層鬆化,厚度適中,抹茶流心香濃。


蕨餅略黏口,與抹茶粉夾;店舖抹茶雪糕均是日產,質素有保證。


焗冰火布朗尼朱古力梳乎厘($52),布朗尼、雪糕上放已打發的蛋白,焗5分鐘後再加上當造水果、朱古力醬、薄荷葉和糖霜。


梳乎厘賣相佳,蛋白打得算順滑,食落頗綿密,但整體略甜。



朱古力布朗尼偏甜,可可味不算濃,軟硬適中不會過份扎實。

*只可配搭雲呢拿雪糕,不能轉其他口味。



頂層水果有芒果、火龍果、士多啤梨和香蕉,份量不多,每種水果只有一至兩片。(*水果依季節或供應改變)



紫薯梳乎厘伴雪糕($58),底層有紫薯蓉,放上蛋白後同樣焗5分鐘,再灑紫薯粉,伴雲呢拿雪糕。



紫薯蓉焗後微溫,放置一段時間後仍會冒煙,紫薯味中規中矩,未算十分突出。



抹茶窩夫紅豆伴雪糕($50),即製抹茶窩夫配糖漿、抹茶醬,另伴紅豆和抹茶雪糕。


抹茶窩夫即叫即製,即使放置10分鐘,亦未見窩夫變軟,抹茶味不算濃,但配搭抹茶雪糕剛好。



活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓