2018年「香港潑水節」就快到！潑水節是泰國慶祝新年的傳統活動，泰國人相信潑水可以洗走過往的不順，而每年潑水活動都吸引數以萬計的人參與，非常熱鬧！而今年的「香港潑水節」將會由九龍城搬到荔枝角D2 Place舉行，仲首次打破慣例，由原本一日的活動延長至三日，跟返泰國傳統！今年除了有街頭水戰之外，現場仲有得租借泰國服飾和化妝，亦有市集、泰國小食等等，有興趣記得約埋朋友4月6日至8日期間一齊去，感受氣氛！
今年「香港潑水節」將會在4月6日至8日期間舉行，而4月1日(星期日)就會率先舉行香港潑水節2018巴士巡遊，路線環繞油尖旺地區，迎接一連三日的潑水節！
睇埋其他活動：
泰國新年市集
首個「香港潑水節」泰國新年市集由4月6日至8日期間於D2 Place the Space及天台花園舉行，到時會有多款泰國特色小食、泰國傳統手工藝、古法泰式按摩等等，另外仲可以租借或訂購泰國服飾及現場化妝！
泰國時裝秀
4月7日約十二時會有泰國時裝秀，展示泰國的最新時裝。另外亦會有Water Angels 2018選美活動，來自不同國家的15位參賽者將會由現場觀眾透過送花環選出冠亞季軍，市民可以親身感受泰國選美文化～
潑水節古色仙女巡遊
4月8日下午則會有潑水節古色仙女巡遊，過百人的巡遊隊伍將會穿著泰國傳統服飾巡遊，另有泰國傳統舞蹈表演，好精彩！
潑水戰
之後就會有大家期待已久的潑水環節，潑水戰進行期間將會完全封路，今年仲會特設親子區，無論大人小朋友都可以玩得盡興！到時仲有芭堤雅式 Live Band表演，一路玩一路有音樂聽！
有興趣記得去玩啦！
圖片及資料來源：fb@香港潑水節
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
