二哥主理時新漢堡飽黃埔開店 港式漢堡包$20起

文: TenTen
2018.03.20

紅磡時新漢堡飽在17年結業,街坊食客都大感不捨。昔日主理「時新」的大哥及二哥,都分別自立門戶,會各開新店。當中由二哥鍾奇濤主理的時新漢堡飽店就即將在本月21日開始試業,選址黃埔,而且聘請了舊店工作超過30年的康師父在新店幫手,大打人情牌,似乎味道方面都有一定保證~

時新快餐店紅磡舊店是不少人的回憶,相信大部分住附近的居民及學生都有光顧過。

新店大門招牌沿用以前的設計,鮮紅色十分搶眼。

二哥表示會與在舊店工作超過30年的康師父「拍住上」,康師父參與了廚房的基本設計,廚房器材的採購,以至菜式的討論。

除大哥、二哥的出品邊個較正宗外,大家最關心的一定是食物定價!餐牌率先曝光,招牌漢堡包由$20起,不少人喜愛的薯條亦定價$20。

漢堡包款式可選牛肉/豬肉,選雙層漢堡的話更可一次試齊兩款!心大心細的朋友不妨在下單時提出要求~

單層漢堡包$20

雙層漢堡芝士蛋包$30,豬肉漢堡扒十分鬆軟。

炸薯條$20

炸雞腿$25

二哥主理的黃埔新店同時推出了兩款飯餐,大大碟,價錢就同普通茶記差不多。

秘製紅燒肉飯連咖啡/茶($50),紅燒肉煮得軟腍,秘製醬汁有麵豉香,肥瘦相間唔怕膩。

香蒜豉汁排骨飯連咖啡/茶($50),排骨肉結實,味道未見特別,不過豉汁送飯一流!

特意引入咸檸七($23),喉嚨痛都唔怕啦!

二哥主理的「時新」於21/3開始試業,預計24/3正式開業,大家會支持嗎?

圖: FB@時新漢堡飽 • 正宗二哥鍾奇濤主理

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓