「盛湯廚房」約定你 今個周末「飲啖湯見吓對方」

國際名廚獨家設計靚湯 行動支持食物回收 

「盛湯廚房」邀請咗國際名廚Jason Wang王凱傑(Jason Wang)，並從領展街市商戶回收的食物及其他新鮮食材，獨家設計四款靚湯，每款各具特色。Jason烹製嘅湯水連「地獄廚神」Gordon Ramsay 都盛讚無可挑剔，今次「盛湯廚房」嘅「神級Fusion湯」更加係Jason享負盛名嘅「蛤蠣湯」變奏版，所以今個周末真係點都要去黃大仙中心試一試。只要捐出$10或以上，就可以飲到國際名廚設計嘅靚湯，同時仲可以做埋善事，支持惜食堂，宣揚惜食文化，亦可以幫助社會上有需要人士。

好多人都唔知，原來香港浪費食物問題相當嚴重，為咗提倡環保惜食文化，領展一直鼓勵旗下嘅街市商戶將賣剩嘅食物捐出，每星期有五日由惜食堂到領展街市收集，將佢哋變成餐盒，派畀有需要嘅市民，令原本將被丟棄嘅食材可以「重生」！而今次「盛湯廚房」令剩餘食材又再擁有第二次生命，成為四款各具特色嘅靚湯，令大家可以同屋企人開心share，分享美味同時分享快樂！

四款靚湯包括有：神級Fusion湯、下火蛋花湯、仙氣養顏湯及佛系番茄湯，全部都係有營之作，俾你感受吓由回收得嚟嘅食材一樣可以發揮成優秀煮食材料。

每捐出$10或以上，就可以獲得「盛湯廚房」換領券一張，憑券可以換領靚湯一碗，而捐款就可以用嚟幫助社會上有需要人士，共享溫暖~

大會仲準備咗櫻花蝦乾、顏色爆谷、ABC字母餅、南瓜籽同心型及星型麵包多士等多款配料，幫碗湯扮靚靚~

令剩餘食物「重生」，同時幫助有需要人士，一舉兩得！

飲完靚湯，仲可以憑券同屋企人一齊去「潮拍長輩圖」度影返張靚相，用埋QR Code下載數碼相片，咁就可以同親朋戚友開心Share啦~

今個星期六、日，嚟黃大仙中心北館，仲會有藝人朋友化身星級店長，鼎爺同黃浩然分別會喺19號同20號，為大家送上靚湯，到時記得要嚟飲啖湯見吓對方！

「盛湯廚房」舉辦日期及地點

日期：5月19日及20日

營業時間︰下午1時至9時

地點︰黃大仙中心北館

5月19日 - 星級店長︰李家鼎 (下午2時至3時)；周嘉洛及吳偉豪 (下午4時至5時)

5月20日 - 星級店長︰黃浩然 (下午2時至3時)；馬貫東及謝芷倫 (下午4時至5時)

日期：5月26日

營業時間︰下午1時至9時

地點︰鯉魚門廣場

星級店長︰李家鼎 (下午2時至3時)；林淑敏及許家傑 (下午4時至5時)

日期：5月27日

營業時間︰上午11時至下午7時

地點︰蝴蝶街市

星級店長︰歐瑞偉及李偉健 (下午2時至3時)

詳情可登入http://www.linkhk.com/tc/promotion/231?ppt=1

以上資料由領展資產管理有限公司提供