海洋公園不時會推出親親動物的活動，最近海洋公園就推出了「夏日歷險課程2018」，等大家可以在導師講解下用不同的角度了解小動物，計劃包括了4個活動：「童遊探索隊」、「樂遊探索隊」、「漫遊探索隊」同5，6月期間限定的「夜遊海洋歷險記」，適合一家大細去玩。
童遊探索隊
活動會包括探訪海星同海參等海岸動物的屋企、觀察樹熊同紅頸袋鼠的生活習慣同觀察居住在熱帶雨林的雀鳥等等。
課程長度為2個半日，適合4歲至5歲小朋友參加，課程最尾一日仲會有畢業典禮添。舉辦日期為7月5日至2018年8月26日（逢星期四至星期六 或 逢星期五至星期日）。
樂遊探索隊
活動會包括為海豹準備用餐、進入熱帶雨林幕後基地觀察赤掌獠狨、近距離觀察雀鳥。另外仲會參觀海象屋企同探訪金絲猴添。
舉辦日期為2018年7月2日至2018年8月31日 （逢星期一至星期五），課程長度為4天，適合6至8歲小朋友參加。智紛全年入場證會員收費為$3,432，非會員早鳥優惠收費為$3,588 ，非會員收費則為$3,900。
漫遊探索隊
漫遊探索隊可以帶大家去海獅海豹住宿為牠們準備食物，仲可以為珊瑚魚送上自己親手整營養早餐。
課程長度為5天，舉辦日期為7月7日至2018年8月29日（逢星期六至星期三），適合9歲至11歲小朋友參加。智紛全年入場證會員收費為$3,678，非會員早鳥優惠收費為$3,846 ，非會員收費則為$4,180。
期間限定的夜遊海洋歷險記
大家可以夜行海洋公園探索黑暗，仲可以留守海洋奇觀，觀察魚類夜間行為。
課程長度為2日，適合9歲至11歲小朋友參加，所有活動都已經可以開始報名啦。全年入場證會員收費為$1,936 ，非智紛全年入場證會員港幣$2,200。
有興趣的朋友記得早啲預訂啦，早訂可以有早鳥優惠＜按此預訂＞
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
