【荔枝角美食】荔枝角3大覓食熱點 食勻蛋包飯/鹽水雞/素食漢堡

文: TenTen
2018.06.18

放假最好當然是相約朋友周圍覓食,平時或者會覺得荔枝角無咩好食,但隨著D2 Place愈開愈多新食肆,區內覓食的好去處就更加多!這次小編推介3間人氣餐點,有主打健康無味精的蛋包飯的Nijikitchen,有創意台式撈撈雞麵的「阿土伯鹽水雞」及有肉食及素食餐單的KOOL Studio Kitchen,下次到荔枝角就再不怕找不到美食喇!

1. Nijikitchen 

Nijikitchen推出多款蛋包飯,有自家調製的日式咖喱汁,無添加味精及動物油,更加健康。店舖特別訂製蛋包飯專用鍋,蛋皮受熱更均勻。

赤味噌燴牛肉蛋包飯(單點$64|套餐$88),味噌味道突出,但不會過鹹。牛肉以赤味噌燉煮近三小時,牛肉軟腍不韌。

明太子忌廉汁大蝦蛋包飯 (單點$48|套餐$72),淋上濃郁忌廉醬,大蝦新鮮爽口,但明太子味醬不夠多,明太子味不太突出。內餡包裹著蕃茄珍珠米炒飯,炒飯粒粒分明,不過蕃茄味未夠濃郁。

日式咖喱牛肉蛋包飯(單點$64|套餐$88),蛋皮煎得恰到好處,牛肉亦燉煮得非常軟腍入味。咖喱粉由日本直送,咖喱味香濃微辣,非常惹味!

每份套餐包括蛋包飯、湯品、一保堂茶及自家製醃菜(可無限添加),醃菜酸甜爽口,非常開胃!

除了招牌蛋包飯外,擁有十多年經驗的日籍帥哥糕點師松岡哲也負責監製店內甜品,自家製3款特色甜品脆焗蛋白餅(Pavlova),抹茶忌廉草莓脆焗蛋白($48)、鮮忌廉熱情果脆焗蛋白($38)及鮮忌廉雜莓脆焗蛋白($45)。

新店更騁請7成聾人工作,每一張訂單亦會捐贈港幣 $1 予慈善機構,貫徹店名Niji日文「彩虹」的意思,幫助社會有需要的人。

地址:荔枝角長順街15號D2 Place二期3樓310號舖

2. 阿土伯鹽水雞

台式鹽水雞小食店「阿土伯鹽水雞」,推出創意台式撈撈雞麵,鹽水雞加入拉麵及配料撈勻,飽肚又惹味!鹽水雞設有不同套餐,「半隻雞」(單點$66、跟配菜$56)可供2-3人食,配料逐項計算。

配料由$7$10不等,超過30款選擇,$7有翠玉瓜、秋葵、芭樂、青蘋果、鳳爪根、蓮藕等,而$10有米血糕、菠蘿、魚片、百頁豆腐等。

選好雞和配料後,調味可選原味、阿土醬以及韓國泡菜,愛重口味朋友可另加辣粉。

雞肉嫩滑,原味調味料帶有胡椒較惹味。

另外設有「一人餐」($45),可選雞胸、雞腿肉各一半,又或3隻雞翼,再配搭3款配菜,圖中是芭樂、滷水豬耳及百頁豆腐,唔夠喉可加拉麵底($7)。

除了鹽水雞,店內亦售有多款台式飲品,不少得最近熱賣的芝士奶蓋系列;人氣「爆奶珍珠茶」($26/中杯、$29/大杯)奶蓋上加了爆炸糖增加口感,夏天最啱飲!

地點:荔枝角長順街15號D2 Place二期3樓313號舖

3. KOOL Studio Kitchen

荔枝角的一間西餐廳KOOL最近便和Green Monday合作,推出一共5款的鴛鴦菜單,每一款菜式都有肉食版及素食版,就算是不同的飲食習慣,也可以同枱吃飯。

雞肉凱撒沙律/植物雞肉凱撒沙律 ($108)。植物雞肉 (左) 雖然比較乾身,但味道與雞肉頗相似。

炸魚薯條/炸植物魚塊薯條 ($138)。植物魚塊略嫌外層太厚,有點像炸麵包。

酷廚招牌牛肉漢堡/酷廚未來漢堡 ($98)

素漢堡 (左) 對於很多素食者來說相信不陌生,用了Beyond Burger製作。

 

KOOL提供的是蛋奶素食品,純素朋友需要留意標示。

活動資訊

  • 地址 荔枝角(詳見上文)
  • 人均消費$51 - $100

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓