7-11便利店限定!香港懷舊模型 街邊車仔檔/荔園/熱狗巴/彩虹村

文: 劉紀彤
2018.05.27

相信唔少香港人以前都試過幫襯街邊車仔檔,食碗糖水或者嗱喳麵,可惜現時香港已經好少可以見得到街邊車仔檔。不過7-Eleven便利店嚟緊就會推出一系列以香港做主題的懷舊模型,不但將街邊車仔檔重現眼前,仲有荔園的碰碰車、叮叮船、熱狗巴等等,相信會勾起香港人的集體回憶和共鳴,一齊率先睇睇有咩款式啦!

三款街邊車仔檔有車仔麵、糖水、鮮椰汁,款款都係經典美食,而且造工仲好精細!

賣嗱喳麵的車仔檔~(售價$75)

 

仲有賣山水豆腐花、中式糖水的小販檔,望到都想食一碗!(售價$75)

 

消暑一流的冰凍鮮椰汁!(售價$75)

 

當年荔園是香港最大規模的遊樂場,有好多經典遊樂設施~

碰碰車模型除了可以做擺設之外,天線仲可以夾住memo紙、相片等!(售價$69)

 

叮叮船相信係唔少八九十後的集體回憶,船頭座位有個銅鐘,而模型座位內有磁力,可以吸住人形設計的萬字夾,造工精緻又得意~(售價$69)

 

彩虹邨是香港特色屋村之一,至今仍然係唔少香港人、遊客愛去的景點。(售價$35)

 

模型可以打開,當做收納盒用~

 

 

除了港式美食、舊式屋邨之外,香港仲有好多具歷史價值的交通工具,唔知大家對佢哋又有冇印象呢?

過百年歷史的港式人力車,車身和車輪都係合金製。(售價$69)

 

香港特式交通工具-叮叮(售價$69)

 

上山頂欣賞香港美景,點可以唔坐山頂纜車!這款是懷舊設計的第四代山頂纜車模型,值得收藏~(售價$69)

 

仲有四款熱狗巴,唔同廣告圖案設計,款款都好經典~(售價$79)

 

香港警察裝甲車。(售價$69)

 

香港懷舊模型系列將會在528日陸續於各7-Eleven便利店有售,不過數量有限,有興趣記得要早啲去睇睇啦!

 

 

活動資訊

  • 地址 全線7-Eleven

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓