昂坪360大升級 360度本土文化之旅

文: Mo Mo
2018.07.31

講起昂坪360,好多人第一時間都會諗到纜車同埋山山水水,同文化最有關聯可能就係大佛同寶蓮禪寺。不過,原來昂坪360近排嚟咗個大升級,180度大轉變,俾到各位文青360度嘅文化體驗。四大打卡位,影到靚相之餘,又可以細味地道文化,假期又多個一日遊熱點啦!

呢期網站仲有獨家88折預訂1+1來回纜車標準及水晶車廂優惠添!由即日起至8月26日,12歲至25歲嘅全日制學生仲有半價纜車優惠(https://bit.ly/2LuMxRC),買票果時曬一曬有相嘅學生證,只需HK$105就可以買到來回纜車門票!加錢仲可升級坐水晶纜車及其他套票添!

文化打卡點一:昂坪墟市-傳統手作 細味老香港

香港墟市文化,唔少人都會諗到大笪地,昂坪墟市就特別將呢款舊風味重現眼前。昂坪市集逢週末會舉行「昂坪墟市」,裝飾充滿懷舊風,鍾意老香港嘅文化人肯定有排打卡。墟市內仲有唔同嘅檔攤,裏面有來自唔同本地年輕藝術家制作嘅手作精品、小食同其他小飾物。有創意得嚟,又可以支持吓本地創作,總有一款啱你心水!

重現大笪地嘅昂坪墟市由即日起至9月2日逢星期六、日開放,鍾意老香港文化同手作藝術就唔可以錯過啦!

 

文化打卡點二:「360DIY手作坊」-品茶剪紙親體驗

作為文青又點可以無自己嘅作品?新推出嘅「360DIY手作坊」分別有「藝術花茶手作坊」同「創意紙藝手作坊」,等大家可以製作屬於自己嘅獨一無二花茶同紙藝作品,做個真正文藝青年。「藝術花茶手作坊」就教你做一杯會喺水入面盛開嘅花茶,可以話係名符其實嘅「照出霏霏滿碗花」。「創意紙藝手作坊」就可以親自做出立體纜車紙箱相架或紙造纜車吊飾,完成之後,當然唔少得為自己作品打個卡,滿足感爆燈。特別留意兩個工作坊都只會喺周六、周日舉辦。

「藝術花茶手作坊」最適合好品茶嘅文人雅士。

「創意紙藝手作坊」可以學下整相架,專用嚟放昂坪之旅嘅美照。

仲可以製作「纜車吊飾物」,非常有紀念價值。

 

文化打卡點三:升級版「360VR 體驗館」-親身走訪舊香港

文化嘅嘢係要親身體會,但70、80年代嘅香港,我地點體會到?昂坪「360VR 體驗館」就幫到你啦!入面有六種虛擬實景體驗同多媒體互動遊戲,俾你親身感受舊香港。佢地特別推出兩款新嘅VR遊戲:「時空穿梭機」同「環島照相館」。前者可以幫你遊走於懷舊屋邨,再次感受舊時啲走廊、天井同遊樂場;後者就帶你穿梭香港各個著名景點,玩轉大嶼山海陸空。其他遊戲仲有緊張刺激、步步驚心嘅「高空索道行」;遊走於旺角鬧市,同胡巴大玩捉迷藏嘅「與胡巴捉迷藏」;走前記得去「光影許願樹」,好似真許願樹咁,寫低心願,拋上樹上面,祝你心想事成!

緊張刺激嘅高空索道行,要走過高空索道,移除纜索障礙物,先完成到拯救行動。

漫遊香港鬧市,喺大街小巷入面同胡巴捉迷藏!

 

文化打卡點四:「極限武術」功夫x體操x街舞 Crossover

將武術、體操、舞蹈三者Crossover嘅「極限武術」,結合古今中外文化。表演有多款空中翻騰嘅高難度動作,包含咗跆拳道、巴西戰舞等嘅元素,單係從旁欣賞已經熱血沸騰。仲可以參加埋「極限武術工作坊」,有專人教你挑戰「極限武術」,正所謂文人要知兵,借呢個機會表現下自己勇武一面啦!

「極限武術」有多款高難度空中翻騰動作,非常刺激好睇。

「極限武術工作坊」有專人教你挑戰「極限武術」,展現膽色!

 

Tips!

去昂坪360玩,記得到網上預訂門票,咁就可以免排隊直達登車區,快速上車!

https://www.np360.com.hk/

資料由客戶提供

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓