明年可謂天王巨星開騷年，繼張學友、陳奕迅和容祖兒有望明年開騷，再有重量級歌手有機會登紅館！樂壇天后鄭秀文(Sammi)日前於澳門舉行迷你音樂會兼生日派對， Sammi在蛋糕前許願：「希望明年開演唱會！」這話一出全場起哄，相信這不只是Sammi的生日願望，亦是她的歌迷心願！
Sammi於音樂會上唱出多首歷年side track作品，包括《真命天子》、《宿命主義》、《愛你是我一生中理想》和《每天愛你少一些》等，當然唔少得最近推出的新歌《Creo en Mi》及主打歌《千年如一日》。與4,000名來自五湖四海的粉絲慶祝，在全場歌迷大合唱生日歌後，更在歌迷面前許願希望明年開演唱會，粉絲當然拍手贊成。
完騷訪問Sammi再次被問到有何生日願望？她說：「希望2019年紅館開演唱會，因為對上一次係差唔多兩年前嘅事，我覺得都係時候，不過暫時仲未落實，希望成功啦！」另外，談到新碟其中一首歌《Creo en Mi》邀請到人氣韓國男團GOT7的香港成員王嘉爾(Jackson)合作，她表示多謝對方，合作過程相當愉快：「雖然佢自己工作好忙碌，但當我哋send首歌畀佢之後，佢好快就答應可以合作，而且佢都有參與創作部份旋律，首歌最後的效果比我預期更加好，所以好多謝佢。」
希望Sammi盡快公布落實開演唱會的好消息啦！
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】麒麟一番搾啤酒及禮品套裝！↓
↓麒麟一番搾啤酒杯／櫻花富士山杯／櫻花玻璃碟↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
