周末家庭樂 免費玩大型棋盤擂台陣

文: Mo Mo
2018.09.21

身為父母,當然想喺星期六日同子女享受家庭樂~唔好再做低頭族,日日對住個手機MON打機。不如走出戶外,搵吓邊到有消費便宜、益智好玩嘅好去處?屋宇署舉辦嘅「樓宇檢測『棋』妙之旅」活動就係首選,免費入場讓一家大細玩足全日,現場設有大型棋盤擂台陣,家庭可組隊參加,小朋友更可即場搭建及設計小屋、猜燈謎、試玩獨家桌上遊戲、投寄限量版明信片留念、仲有問答扭蛋機等益智有趣嘅遊戲;大家更有機會與專業嘅測量師及工程師對談,了解樓宇安全相關嘅知識,當然少不了豐富禮品送畀大家啦!

「樓宇檢測『棋』妙之旅」大型棋盤擂台陣*

將桌上遊戲打造成大型真人棋盤擂台陣,一家大細可組隊參加,每隊輪流擲骰並回答問題,答啱就可獲得建築材料去「興建樓宇」,於限時內最快完成隊伍為勝,全家一起參與,讓大人細路也樂在「棋」中。

 

*需於比賽前預先報名,費用全免,名額有限,大家快啲行動啦!

《樓宇檢測檔案》桌遊體驗區

大家除了可即場試玩屋宇署獨家發行的桌上遊戲外,更可獲贈家庭親子桌遊套裝,一家人邊玩邊學樓宇安全知識,小朋友能從遊戲中啟發興趣,獲得知識。

現場仲有精美嘅限量明信片畀大家寫低感受,然後投寄畀自己,留下美好回憶。

「拼•塗小屋」親子工作坊、猜猜樓宇安全燈謎、樓宇專業教室

好玩活動陸續有嚟!小朋友可以親手拼砌小屋,用畫筆自由創作,發揮創意打造專屬的小屋;臨近中秋節就有得猜燈謎~大家只要猜中4大樓宇安全主題燈謎,即可獲贈精美小燈籠;更難得邀請專業測量師及工程師到場與大家對談,更深入了解樓宇安全知識,做個樓宇知識達人呢!

豐富禮品大放送

免費入場玩全日都仲未夠?仲有豐富禮物同紀念品等住你,有造型時尚嘅tote bag及保温瓶,又有可愛實用原子筆、桌上遊戲、扭蛋Figure等,真正滿載而歸!

 

【INFO】

樓宇檢測「棋」妙之旅

日期:2018年9月23日 (星期日)

時間:中午12:00至下午6:00

地點:荃灣D‧PARK愉景新城地下中庭及遊樂區

 

Source : 屋宇署

活動資訊

  • 日期2018年9月23日 - 2018年9月23日 12nn - 6pm
  • 地址 荃灣D‧PARK愉景新城地下中庭及遊樂區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【免費送🎁】DPM點對點®床褥!!!↓

↓ 仲會幫您度身訂造出最適合的床褥 ↓

↓ 仲會幫您度身訂造出最適合的床褥 ↓