【黃埔好去處】萬聖節嘉年華登陸黃埔 2.5米高夾公仔機/過萬份獎品

文: Toby Mok
2018.10.12

愈來愈接近萬聖節就愈多商場舉辦一些以萬聖節為主題的活動。最近黃埔天地就舉辦了狂歡萬聖哈囉喂活動,現場有10幾個遊戲攤位,等大家一邊玩一邊慶祝萬聖節。大會仲準備了過10,000份獎品,贏了攤位遊戲就可以將禮物帶翻屋企!

商場內有過10款遊戲攤檔俾大家玩。

當中最吸晴的一定是2.5米高的巨型夾公仔機!每個彩色波波球內都裝有不同禮物,例如卡通玩具、文具禮品等等。某些波波仲設有特別獎Switch 1部!除了考大家夾公仔的實力之外同時亦好考運氣,大家可以去試吓夾唔夾到switch。

另外亦有攤位遊戲必備的掟彩虹,不過今次大會就搞搞新意思,有個叫做「一擲千金」的遊戲玩法。大家可以一次過掟100個金幣在彩虹板上,睇吓最後有幾多個中獎,玩法有趣。

除此之外亦有近年新興的運動冰壺,大家只要將冰壺滑到指定分數就會有獎品。

現場仲有Switch俾大家玩添,除了提供10月初新推出的Super Mario Party遊戲 ,仲會有Mario Tennis Aces同Super Mario Kart玩,費用全免架!

當然仲有好多其他得意攤位,包括射籃球、射擊遊戲、掟鐵權、飛碟遊戲等等,贏得指定分數就可以換禮物。

仲有普通夾公仔機,有好多得意卡通人物可以夾,每局$5。

現場有過10,000份獎品等大家羸翻屋企,遊戲票每張為$10,有興趣的朋友記得mark實時間去玩啦。

 

活動資訊

  • 日期2018年10月13日 - 2018年10月28日
  • 地址 紅磡船景街9號 黃埔新天地
  • 人均消費$50或以下

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓