正在閱讀
【將軍澳美食】將軍澳新開玩味特色飲品店 忌廉芝士奶蓋/黑糖珍珠奶茶

【將軍澳美食】將軍澳新開玩味特色飲品店 忌廉芝士奶蓋/黑糖珍珠奶茶

2018.11.05

將軍澳最近新開一間特色飲品店「我想和你無所事事」,由本地插畫家「謝曬皮」設計logo,玩味十足。唔單止有人氣的黑糖珍珠鮮奶及水果茶,仲特別推出Cupcake配梳打,可以邊飲邊食,設計創新得意。另外,仲有多款新鮮水果榨汁,再加上由忌廉芝士打成的奶蓋,芝士味較濃!咁多飲品選擇,經過將軍澳不妨去試下~

將軍澳新開一間特色飲品店「我想和你無所事事」,logo由本地插畫家「謝曬皮」設計,玩味十足。

GG黑糖珍珠鮮奶($28),黑糖珍珠好入味,口感煙韌。奶蓋特別加咗忌廉芝士,搖勻後飲落好香滑。

「乜得你咁馨香芋拿鐵」($28),散發淡淡芋頭味,加上漸變紫色,賣相吸引。

「Cupcake釀接骨木花葡萄柚梳打」($34),可以邊飲邊食Cupcake,好創新特別。

「啱啱生完咁新鮮水果四季春」($35),用上多種新鮮水果,茶味香,味道清新~

GG紅火龍果($42),由新鮮紅肉火龍果榨汁,再配上由忌廉芝士打成的奶蓋,鍾意芝士奶蓋的朋友要試下!

另外,店鋪還特別推出「與體液相近」海鹽焦糖雪糕($48),味道鹹鹹地,再配上焦糖脆片及棉花糖,口感香滑又有層次。

經過將軍澳的朋友可以去試下~

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠