聖誕必去打卡點 與泰迪熊來一場浪漫童真約會

文: Mo Mo
2018.11.22

聖誕年年都有,今年決定要過一個特別啲嘅!今年聖誕九龍灣德福廣場聯同德國百年泰迪熊品牌Steiff一齊打造「泰迪熊聖誕」,唔單只有多個打卡位,仲會有德國聖誕市集為大家準備各式各樣聖誕美食同精美禮品,依家逐一為你介紹啦~

三大必影泰迪熊打卡位!

第一個必影嘅聖誕裝置一定係全球首隻4米高國王啤啤熊!以巴伐利亞國王 - 路德維希二世亮相嘅泰迪熊,旁邊仲有以德國夢幻新天鵝堡為設計藍本嘅主題裝置,加埋指定時間*有飄雪效果,試問又有邊個女仔唔心動呢?重點係大家可以近距離同呢隻巨型啤啤影相,甚至可以坐係佢大脾上面添呀!

*飄雪時間︰

星期一至五︰12:30/13:30/17:30/18:30

星期六、日︰11:30 - 20:30 (每小時一次)

第二個係1.8米高威武士兵造型嘅啤啤熊,威風澟澟嘅佢地看守住德福廣場嘅大門,迎接來來往往嘅大家!

係商場一期有一座超過5米高嘅巨型德國聖誕金字塔,係德國嘅傳統聖誕擺設,又有人話聖誕金字塔其實係聖誕樹嘅前身~建議大家影完相可以上2樓欣賞蠟燭台上唔同造型嘅Teddy Bear,隻隻都咁得意啊!

除咗大型裝置之外,二期沿長廊一邊行,抬頭仲欣賞到德國傳統聖誕蠟燭台嘅夢幻裝置,有唔同造型嘅泰迪熊同木偶,見到真係童心都走曬出來~

超過40件德國博物館珍藏品展出!

今次德福廣場專程由德國Steiff博物館運送超過40件泰迪熊珍藏品過嚟香港俾大家欣賞~當中有全球首隻郁得嘅泰迪熊、有過百年歷史嘅啤啤,仲有其他特別造型嘅熊仔︰包括卡通系列、中國系列、聖誕系列等,隻隻都咁靚,真係想一次過帶哂佢地返屋企呀!

以經典名人為造型嘅泰迪熊,例如:戴妃、老佛爺。

為配合節日,小型展覽亦有展出部分聖誕特別版,細緻如鼻嘅一針一線都非常講究。

值得一提展覽入面仲有Teddy Bear嘅設計圖同百年前嘅製作工具,今次錯過咗就要飛去德國先睇到㗎啦!

德國聖誕市集帶來特色佳餚!

影相影到餓,仲可以去德國聖誕市集揾食,一行入去好似入咗德國小鎮,當中提供多個售賣德國佳餚嘅攤檔,例如香脆嘅德國咸豬手、滋味德國烤香腸同芝士控最愛嘅即溶芝士意粉等等,場內更有各類美酒供應,記得要試埋德福限定嘅德國口味甜品呀!

精選各式聖誕禮物送比摯愛!

話明係聖誕市集,除咗美食之外,當然會揾到各類型嘅聖誕禮物啦,例如傳統德國香薰座、聖誕造型朱古力、德國花茶等等,仲有Steiff期間限定店(會場限定9折優惠!),絕對可以喺呢到揀到送比摯愛嘅聖誕禮物。

德福廣場「泰迪熊聖誕」

日期:即日至2019年1月1日

時間:11am-9pm 

地點:港鐵九龍灣站德福廣場

 

資料由客戶提供

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓