正在閱讀
【新年好去處2019】上水化身拼布粉嫩系花園 光影花花長廊/3D拼布豬仔

【新年好去處2019】上水化身拼布粉嫩系花園 光影花花長廊/3D拼布豬仔

2019.01.02

上水廣場將會在2019年1月12日至2月28日以花妍‧纖藝為賀年主題,舉行藝術展覽,現場會有多個影相位,包括有5米高拼布藝術裝置、光影藝術長廊,仲有多幅藝術展品俾大家欣賞添,文青們新年期間可以去睇吓。

現場有個5米高粉嫩系萬花拼布藝廊裝置。裝置有過100朵布藝花,仲有巨型彩光立體蝴蝶停留於花瓣上,等大家好似身處在立體花園一樣。

另外仲有「光影飛花」互動藝術長廊,長廊結合了流星燈光特效同花蝶投影等技術,將現場變成奇幻萬花世界。

另一打卡亮點是一隻由拼布製成的可愛吉祥小豬,過1米高兼圓碌碌的3D令新年氣氛十足。

除了有以上影相位之外,商場仲會化身成5米高巨型藝廊,展出15幅纖維藝術作品,藝術家結合攝影寫實同拼布,利用混色效果同錯視藝術,呈現點描派畫作。

 

 

 

活動資訊

  • 開放日期 2019年1月12日 - 2月28日
  • 地點 上水龍琛路39號上水廣場L2中庭
  • 開放時間10am – 10pm 上水廣場《花妍‧纖藝》百福園 及藝術展 11am – 8pm 《光影飛花》互動藝術長廊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠