深水埗掃街選擇好多!最近更新開一間「炙壽司」火炙壽司專門店,好受附近的學生哥和街坊歡迎。食店主打即叫即做的火炙壽司,最平只需$6件就食到火炙三文魚壽司。另外店鋪還有即做手卷、自選魚生飯等,都好抵食,下次到深水埗不妨掃街時去試試啦~
深水埗新開一間火炙壽司專門店「炙壽司」。
師傅都是手握壽司,壽司款式多達36款,而火炙壽司則有15款選擇。火炙壽司都是落單後即場用火槍燒至微微焦香,壽司已調味好,不加豉油和Wasabi食都夠味。
火炙三文魚壽司($6)、火炙吞拿魚壽司($10)、火炙帶子壽司($10)、燒魷魚壽司($12)、火炙牡丹蝦壽司($12)、火炙鰻魚壽司($15)、火炙鵝肝壽司($15)、火炙霜降牛肉壽司($15)
火炙三文魚壽司($6),鹽燒挪威三文魚帶油香。
燒魷魚壽司($12),爽口彈牙,以秘製辣醬調味,香口惹味;
火炙鵝肝壽司($15),鵝肝面層灑上砂糖燒成焦糖脆面,香甜細膩。
火炙鰻魚壽司($15),鰻魚質肉結實,燒汁香甜;
火炙帶子壽司($10)
另外,還有幾款足料手卷~
三文魚籽海膽手卷($60),手卷鋪滿三文魚籽,日本馬糞海膽甘香味較為突出。
日本松葉蟹腳蟹膏手卷($68)
蟹膏鹹鮮,由於蟹膏較為濃味,略為蓋過了松葉蟹腳的鮮味。手卷捲有兩大條松葉蟹腳棒,好足料。
美國珍珠蠔($20/隻;$100/打),蠔較為細隻,頗為鮮甜。
或者下次到深水埗去掃街試試~
活動資訊
- 地址 深水埗欽州街49號德寶大廈地下
- 人均消費$50或以下
- 開放時間星期一至日9am - 10:30pm
- 電話2461 1121