TINY微影不時都會推出一些充滿香港特色的街道、建築、店舖模型,最近7-Eleven便利店就引入了一系列TINY微影特色「老香港」微型模型,以香港獨有交通工具及舊屋邨情景為主題,用甄沾記、Mini Cooper、紅巴打造一個迷你舊香港,仿真度好高,好有收藏價值!
甄沾記雪糕單車/甄沾記巴士
甄沾記是香港百年老牌,今次的微型模型就還原了當年的雪糕單車,以及用了甄沾記雪糕杯的紅白藍色,印上甄沾記商標設計的巴士,鍾意食甄沾記椰糖的話記得要買返部啦~
Mini Cooper
Mini Cooper 60 週年推出以香港情懷為主題的合金模型車,6款模型車有唔同主題,包括以茶餐廳懷舊格仔地板、外賣杯、紅白藍膠袋、九龍皇帝設計,每個設計都代表住一個年代,好有特色~
九巴KMBLOCK
由九巴官方授權推出的KMBlock巴士積木用了三個唔同年代的九巴型號-丹拿A、圓頂寶及E500 MMC紅巴為主題,仲可以自由組裝,巴士迷記得要儲齊一套啦!
長城牌白豬仔合金電車
「長城牌午餐肉」相信係唔少香港人的集體回憶,合金電車就仿照長城牌午餐肉罐頭設計,鍾意食的朋友記得入手一部啦!
TINY Q街市車
街市附近不時都會見到本地農場蔬果運送車,好有香港特色!
九巴龍運巴士
由九巴旗下的龍運巴士官方授權推出E34A天水圍至機場的九巴龍運巴士模型。
SSU 救護車
微影獲平治官方授權推出消防署救護特別支援隊SSU(Special Support
Unit)救護車模型。
最後仲有用麻雀、童年、廚房、廁所($29)等香港情懷經典為主題的精品,包括一套 3 款麻雀系列、一套 5 款童年系列、一套 6 款廚房系列及一套 6 款厠所系列,將舊屋邨情景重現!
以上的系列將於10月2日起陸續登陸各大7-Eleven便利店,有興趣可以去睇睇~
活動資訊
- 地址 7-Eleven便利店
- 人均消費$50或以下