中環「AIA歐陸嘉年華2019/2020」（AIACarnival 2019/2020）已經開幕啦！今年的AIA嘉年華將會由2019年12月12日至2020年2月16日舉行。早前AIA嘉年華就順利結束了早鳥優惠購票活動，而現在想入場的朋友可到嘉年華現場購票。門票價錢方面，成人可以購買$130入場門票包10個AIA嘉年華代幣或單買$40入場門票；而兒童就可以買$90入場門票包7個代幣。2019/2020年度的AIA嘉年華現場除了有多款機動遊戲外，照舊亦設有多個攤位遊戲，勁送多款毛公仔。小編為大家精選了場內15大好玩吸引的攤位遊戲，仲簡單總結了難易度及贏公仔攻略，打算主攻攤位遊戲贏公仔的朋友去之前記得先睇睇AIA歐陸嘉年華2019/2020中獎攻略懶人包啦！
1.杯中物語
難易度：★★★★★
公仔吸引度：★★★★★
玩法：將白波擲入杯子中，中白杯沒有獎，中其他顏色杯就分別有小獎至特獎，按下圖睇有咩公仔。
評語：頗難玩，個波好輕易彈走，入杯都難，入到有顏色的杯更難。
所需代幣：2個
2.奶桶挑戰
難易度：★★★★
公仔吸引度：★★★★★
玩法：將球拋進牛奶樽內，拋入一球得小獎，入兩球得中獎，如此類推。不過樽口較細，要入都有點難度，按下圖睇有咩公仔。
所需代幣：2個
3.木桶江山
難易度：★★★
公仔吸引度：★★★★★
玩法：將白波擲入桶內，若球彈出桶外沒有獎，一球小獎，兩球中獎，如此類推，按下圖睇有咩公仔。
Tips：拋物線形式出球，將球細細力向桶頂方向拋會較易入。
所需代幣：2個
4.汽水圈
難易度：★★★★★
公仔吸引度：★★★★★
玩法：套中汽水樽有特獎
評語：巨型公仔做獎品的遊戲果然更難玩，擲了好多個都唔中，按下圖睇有咩公仔。
5.神投手
難易度：★★★
公仔吸引度：★★★★
玩法：用白波將奶樽打落地下，掟四球完成遊戲有小獎，掟三球完成遊戲有中獎，如此類推，按下圖睇有咩公仔。
評語：不難掟中目標，不過需要更大力先可以將奶樽打落地下。
所需代幣：2個
6.迷你圈圈有獎
難易度：★★
公仔吸引度：★★★★
玩法：以呼拉圈套住公仔所在位置，四個圈套中一個有中獎，套中三個就有特獎。留意要套埋公仔嘅座，建議由上而下拋會比較易中，按下圖睇有咩公仔。
所需代幣：2個
7.反彈王
難易度：★★★★★
公仔吸引度：★★★
玩法：將白波擊中木板再彈入盤內。任何球彈入盤內即獲大獎，按下圖睇有咩公仔。
評語：白波好輕，好容易反彈出盤，用較細力掟相信更易可以彈入盤內。
所需代幣：2個
8.罐頭神射手
難易度：★★★
公仔吸引度：★★★
玩法：用球射向罐頭令罐頭跌離枱面。擊落六或七個小獎，擊落八個中獎，如此類推，按下圖睇有咩公仔。
所需代幣：2個
9.保齡球
難易度：★
公仔吸引度：★★★★★
玩法：用白波將保齡球擊倒。一球擊倒全部保齡樽即可獲得大獎；兩球可獲中獎，如此類推，按下圖睇有咩公仔。
Tips：保齡球都幾重，不過大力啲就得！
所需代幣：2個
10.彈弓
難易度：★★
公仔吸引度：★★★
玩法：用彈弓把所有障礙物完全射出桌面，幾易控制，按下圖睇有咩公仔。
所需代幣：2個
11.乒乓滾下
難易度：★
公仔吸引度：★★
玩法：將乒乓球滾入0-4分數字格內，4個乒乓球加埋中4分就有獎，容易控制，要得到高分唔難，按下圖睇有咩公仔。
Tips:在中間位置細力推出乒乓球，盡量保持直線。
所需代幣：2個
12.金屬圈
難易度：★★★★
公仔吸引度：★★★
玩法：有四次機會將金屬圈穿過鐵線，只要有一次成功即可贏得特獎，按下圖睇有咩公仔。
所需代幣：2個
評語：到轉彎位時較容易掂到鐵線，建議看準時機快速過彎。
13.飛鏢王
難易度：★★
公仔吸引度：★
玩法：以飛鏢擊中不同啤牌，4支飛鏢擊中一張啤牌獲小獎，擊中兩張啤牌獲中獎，如此類推，但如果擊中啤牌的白邊不能獲獎，按下圖睇有咩公仔。
評語：基本上4支飛鏢要中牌都唔難，但要留意如果2支飛鏢擊中同一張啤牌無獎。
所需代幣：2個
14.沙壺球
難易度：★★★★
公仔吸引度：★★★
玩法：將沙壺推入分數區域內，不同區域有不同分數，如果沙壺掂到得分線，將不獲分數。10-23分中獎，24-30分大獎，31分以上特獎，按下圖睇有咩公仔。
所需代幣：2個
15.圈圈有獎
難易度：★★★
公仔吸引度：★★★
玩法：以呼拉圈套住公仔所在位置，套中一個細獎，套中兩個中獎，如此類推，按下圖睇有咩公仔。
所需代幣：2個
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
