想睇展覽又怕出街同人逼？由即日起至12月9日只要去網上舉行嘅DesignInspire創意設計博覽就可以隨時睇，隨時玩，仲有得聽！今年博覽以「Design for Good」為主題，其中「Experience」系列就有The Playroom 遊戲室、The Viewing Room視藝室同The Music Room音樂室三大部分，等大家可以參加一個令感官有唔同體驗嘅互動數碼設計之旅，以下就簡單介紹其中2個部分嘅精彩節目！
用科技改變視野 --- The Viewing Room
大家可以喺The Viewing Room區域了解到無人機、人工智能同各種數據如何製作出令人嘆為觀止嘅影像，見證住科技如何改變我哋嘅視野，令大家用全新視角去睇依個世界！
《融化的記憶》Refik Anadol Studio
有冇想像過人腦內部運動嘅數據都可以成為藝術般嘅片段？The Viewing Room其中一個作品《融化的記憶》就呈現咗先進技術同當代藝術交匯嘅可能性！《融化的記憶》結合數據繪畫、增強的數據雕塑和燈光投影，向大家詮釋人腦內部運動嘅美學。
藝術家Anadol由腦電圖之中收集有關認知控制神經機制嘅數據 (該數據可作為深測腦電波活動的變化並提供大腦隨時間變化的功能嘅證據) ，再將數據集結成多維視覺結構所需嘅獨特算法基礎，透過《融化的記憶》視覺化，呈現出獨一無二嘅藝術畀大家欣賞。
人工智能音樂 --- The Music Room
聽音樂除咗古典樂、藍調、Rock等等傳統音樂之外，大家已經嚟到由人工智能作曲嘅時代，人工智能今次用上另類原素（包括各種數據、視覺效果）炮製嘅音樂工作品，聽完一定令你有驚喜！
《For Seasons》NDR Elbphilharmonie Orchester
用古典嘅音樂去演繹出科學數據！來自德國漢堡，世界最頂尖管弦樂團之一嘅NDR Elbphilharmonie Orchester一直希望利用音樂力量帶出對抗氣候變化嘅重要性，樂團選取咗維瓦第（Antonio Vivaldi）以大自然為題材嘅知名樂曲《四季》（《Four Seasons》），而NDR再將作品套用喺今天嘅氣候變化情況，軟件開發專家同編曲家利用定制嘅演算法同過去三百年來嘅氣候數據，再重新編排依首作品，最後創作出名字與《Four Seasons》只差兩個英文字母嘅《For Season》。
《For Season》已經喺德國漢堡易北愛樂廳首播，當日Facebook亦有直播，全球共十億人都可以聽到NDR嘅環保訊息，而家大家喺DDesignInspire都可以享受到咁獨一無二嘅音樂，感受三百年來的氣候轉變！
Click 入DesignInspire體驗更多!
以上資料由DesignInspire提供。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
