四季酒店翻新 新裝房Staycation實試報告

文: U Magazine
2021.08.24

暑假期間,差不多認識的所有朋友都去了staycation,有小朋友的家庭更不例外。想真正享受到度假感覺,揀的地點當然重要,朋友去過Four Seasons讚不絕口,一直好想去試下,酒店剛完成首階段翻新工程,有全新設計客房,又新開了ARGO同Gallery, 真係perfect timing!

海景放題套房

今次三口子入住翻新的732平方尺海景套房,一打開門即見特大維港海景,仲要廳房同view,繃緊的神經即刻放軟。有別於舊式行政商務style,好Homey,不賣浮誇,加入別致家具佈置,客廳飾架、earth tone色系梳化,現代感配中國風擺設,寧靜悠然,是奢華中帶有暖度的裝飾設計。鍾意睡房那張可轉動的大圓形day bed,可隨性地躺;睡床面向海,坐臥都盡享海景放題,小朋友的單人床則放床尾,更近窗邊,打卡一流。新裝房有先進燈光控制系統,可調較多種光暗度。浴室設有淋浴間及浴缸,翻新後的花灑水力強勁,衛浴用品更是Bvlgari,高質又貴氣之選。

房間內更有各款酒類、中式茗茶及咖啡供應,每個細節位都兼顧。作為媽媽輩,平時一入到酒店房就瘋狂消毒,今次無,重點要清潔的搖控器、風筒、電話全都經過特別處理,綁上Lead with care封條,是四季酒店應對  COVID-19的安全計劃,房間會以 EPA 認可產品消毒。每房更備有防疫用品包,內有消毒紙巾、搓手液及口罩,住得前所未有安心。因為有小朋友一齊入住,房內早已備有小帳幕、毛公仔、卡通welcome card 、DIY cupcake set,感覺超窩心!


必試新裝Gallery

一早預了兩日都不會離開酒店,check in後就去大堂咖啡廳Gallery先食個High Tea。這裡翻新了,坐得更舒服,氣氛更chic, Afternoon Tea Set有8款精緻鹹甜點,以酒店米芝蓮餐廳的菜式作靈感,中西合璧,款款俘虜味蕾。另必食的英國鬆餅,配上芒果青檸葉果醬或Clotted cream,清甜惹味水準如一,再配杯迷你抹茶珍珠奶茶,分量不多不少。

Gallery的咖啡新聯乘了東京品牌  Omotesando Koffee,帶來專業的沖調工藝。另由瑜茶舍茶藝師負責操刀茶品,定製出多款中式茗茶,試了一壺明前龍井,色澤翠綠、甘醇爽口,想不到會在食High Tea時嘆到靚茶,飲品一樣誠意十足。


Cooking class跟大師學藝

酒店有兒童cooking class,食完Tea就帶囡囡去整Strawberry Tiramisu ,除了甜品,雲吞、無酒精cocktail、法菜都有得學,每堂約1至1.5小時。上堂地點竟是直踩入四季的廚房,好有真實感,令小朋友眼界大開,不過更厲害的,導師竟是酒店的Executive Pastry Chef  Ringo Chan,在四季已工作16年的Ringo管理整間餅房,有時他會粉墨登場當導師,我們有幸遇上了,跟主廚學藝的經驗好不簡單,雖然只是為小朋友而設的簡化版Tiramisu,但他仍不斷講解食材配料步驟的前因後果,在旁的家長們都大讚偷到師。

由於準備的食材配料好靚,加埋Ringo大師指導,小朋友的最終成品都整到酒店級水準,好味到不得了,拿著四季證書,超級high!

龍景軒超凡中菜

上完堂就去食晚飯,龍景軒不用多介紹,全球第一家榮獲3星米芝蓮的中菜廳,非常掛念這裡的經典菜式。好似前菜龍帶玉梨香,帶子蝦膠與梨肉的配搭,鮮嫩有果香,之前一食難忘;皇湯雞絲羹,皇湯比上湯更濃,以雞絲、金華火腿絲入饌,富膠質有咬口,一食上癮。紅燒澳洲和牛,肉質柔軟嫩滑,再以銀杏百合中和肉味。XO醬乳鴿崧炒米形意粉,法國乳鴿崧加米形意粉加中式炒法,有嚼勁又特別,味味精彩。不過去過龍景軒的除了其難忘美食,一定不會忘記他們團隊6星級的愜意服務。

ARGO驚喜不絕

囡睡了,即落樓試下新開的ARGO,仿溫室的設計好吸睛,同原有的Blue Bar好不同,新古典風格配上盆裁及鏡飾,觸目的中央吧枱放滿酒,華麗裝修勝一籌。喜歡酒的朋友更可細嚼menu,這裡的雞尾酒飲品非常創新,酒單分為Coffee、Honey、Rice、Cacao,Vanilla與Apple 6個種類,基本的12款雞尾酒,以創意方式展示其獨有味道。

當天試了蘋果系列的Green & Gold Spritz,果味濃口感特別。這裡的烈酒亦以打破傳統的方式分類,重點突出各款佳釀的故事、出處、生產方法和細節。最想不到的是這裡的Bar Bites,本來好飽都食完整個egg waffles,很喜歡配的豉油焦糖醬同花椒朱古力醬,非常有驚喜。不過我已算幸運,夜去有位,這裡的人氣超乎想像,下午又有buffet,整天一位難求。原來ARGO這名字啟發自伊阿宋王子的神話故事,象徵著一場發現與探索之旅,這裡真是好多東西可發掘,貼題!


玉石療法深層放鬆

好睡一覺醒來,已經唔係好捨得個海景,於是call room service在客房吃早餐,有歐陸、日式同中式早餐選擇,20分鐘左右就送到,分量不少,安坐窗邊望著海景食個靚croissant,好good的 morning。

除了食,另一重頭「自肥」項目,是嘆一個9 0分鐘四季式玉石療法,有治愈療效的玉石,遇熱時會產生負離子,用高溫玉石進行全身按摩排出毒素,有點似刮痧,舒緩了肌肉的「千年」僵硬,按摩師的技術專業細心,還解答了一個我長期面對的皮膚問題。躺著完成療程一刻,按摩椅徐徐升高至半躺坐,房間四邊窗簾捲起,眼一張就見到窗外泳池景,如斯完美ending,令到身心得到深層放鬆。


精彩加分娛樂

當我做Spa時,兩父女都有好節目。首先去試住客免費玩的Logitech電子賽車遊戲,體驗一級方程式的樂趣。然後例必一訪四季的infinity pool,這個望著維港景致的泳池,已是打卡名勝,水底還會播古典音樂,好好feel。為了控制人數,好多酒店只可讓住客用泳池45分鐘,四季的安排則不同,住客可用2小時,還會不時派雪條,絕對加分。玩完一大輪,最後在大堂的The Lounge 再食埋個靚靚午餐先check out。若要為這個luxe staycation評分,海景新房、食物超班、娛樂多樣、服務極致,如此優質,真的沒什麼可以挑剔。只是換個空間,就足夠有寵愛自己和度假的心情,完全refreshed同re-energised 。



Info:


圖文: U Magazine


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓