太安樓不嬲都多嘢食，西灣河街坊又有食神！事關最近又多間非常吸引的小食店－－圓滿屋，試業後剛於2015年5月2日正式開業。
店家精心炮製了多款小食，選擇多多，而且有唔少都幾新穎同得意。芥末牛脷、蒜香黑椒牛柳粒、招牌七味魷魚鬚、意大利辣汁肉丸、芝士火腿烘三文治、特別炸湯丸等等，要試晒想必要花一段時間！另外圓滿屋亦有售賣午餐及晚餐，例如西西里肉醬鴛鴦意粉、日式咖哩豚肉紅米飯、餐湯等，更有學生價添，學生哥lunch又多一個選擇。
（圖：FB@圓滿屋）
評語