講到腸粉，香港人應該比較熟悉「布拉腸粉」，於白布上淋上米漿，蒸熟後加入配料捲起即成！
「天富美食」最近於觀塘宜安街開業，老闆沿用家鄉海豐製作腸粉的方法，在店內設置一座有一格格「櫃桶」的蒸爐來蒸腸粉。
店員在「櫃桶」加入米漿、瘦肉、叉燒、雞蛋及蔥花等配料，等大概30秒至1分鐘，腸粉就蒸熟，剷一剷掃上食油就食得，價錢由$10-$21不等，視乎配料的多少。
雖然這款腸粉的賣相比「布拉腸粉」差一點，但味道一點也不遜色，食之前淋上豉油和家鄉蒜蓉醬汁，非常惹味，相當足料，不少街坊喜歡買一份做早餐。
腸粉限時供應，由早上6時半賣到下午4時。除了腸粉，小食店另有供應粥品、燒賣、魚蛋、牛什等港式小食，當然亦不少得雞蛋仔和格仔餅，味道中規中矩，價錢相宜。
小食店主要做外賣食品，不過店內亦有擺放摺枱，堂食也不成問題。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】黑酢家日本優質養生食品！↓
↓ 日本直送！適合一眾愛美養生人士！↓
↓【免費送💓】Physiogel皇牌面膜套裝↓
↓ 轉季必備! 抗敏紓緩 x 修復保濕💧↓
評語