藍田匯景商場可算是東九龍區的一個掃街小天堂,不少學生、街坊回家前經過商場,都會幫襯一下小食店,最近又有多間甜品小店「Gogogo」進駐,人氣急升!
Gogogo專售窩夫及雪糕,窩夫的形狀像一個倒轉的鐵塔,即叫即製,可選擇Nutella、班蘭、吉士及豆沙餡,上面再唧上忌廉及朱古醬。
雖然食品簡單,而且不是小店獨有,但新鮮熱辣時進食味道的確不錯,每件$18,值得一試!窩夫於晚上10時半後就會暫停供應,要食記得趁早。
比起招牌食品倒鐵塔窩夫,小編覺得它的鮮果雪糕更加出色,不含人造色素,據店主所講水果成份差不多達30%,奶味沒有蓋過果香。
其中榴槤雪糕的味道最誘人,全因它夠「臭」,未食已嗅到濃濃榴槤果香;雪糕質地幼滑,食起來似熟透軟軟的榴槤肉,抵讚!另有芒果、藍莓、蜂蜜牛奶、芝麻及朱古力味,每支甜筒售$20。
小店亦有出售荷蘭傳統煎餅,據店員所講送茶不錯。
>>>>> 更多新開雪糕店
>>>>> 更多2015年新店
活動資訊
- 地址 藍田匯景廣場3樓50A號鋪
- Facebook專頁Facebook專頁
- 開放時間星期一至六:3pm-11pm