正在閱讀
$50任玩十種娛樂!銅鑼灣3000呎遊戲中心

$50任玩十種娛樂!銅鑼灣3000呎遊戲中心

2016.04.18

位於銅鑼灣、3000呎遊戲中心於2016年初開業,場地借鏡「日本多合一遊戲中心」,地點開正崇光百貨對面,較一般樓上Party Room可算是更便利,最重要係可以walk-in,學生$35即可玩足十種娛樂設施,非學生則$50一個鐘。

 

 

到底個場有咩玩先?10種任玩的娛樂活動不但有一般的桌球、飛鏢、乒乓球、賽車遊戲、電視PS遊戲、電動麻雀、啤酒乒乓、各種牌類及版圖遊戲等,還有新興的VR虛擬現實遊戲、桌上足球(Pool Soccer)及冰上曲棍球機等。

 

 

每種遊戲旁邊會有計時器,每時限時玩20分鐘,所以就算人多,一個鐘最少可以玩到3樣。

 

當中以VR虛擬現實遊戲一直都係最受歡迎的,有鬼屋、過山車、喪屍、冒險及觀賞等體驗,只係玩足VR一個鐘都抵晒,不過小心玩到頭暈啊!過程中可以加埋手掣玩仲刺激,好似親歷其景一樣。

 

另有VIP房、包場服務,下次雨天又多一個室內好去處喇!溫馨提示,初一至初三只供包場, 年初四(1月31日)起正常營業,建議打個電話確保無人包場士出發。

以上資料來源: FB @ Combo 及 COMBO ENTERTAINMENT 

下頁: 13,000呎場玩飄移!荔枝角新開賽車Café 

活動資訊