Lab 66

旺角黑布街一帶的食肆近年越開越多，而且各有特色，由連鎖火鍋店陸陸雞煲火鍋開設的Lab 66於2016年初正式在黑布街開業，餐廳裝潢是勁raw的灰色水泥牆身，四圍可見刻意外露的水管、電線，加上餐廳外藍色的霓虹燈招牌和藍色的窗框，令餐廳滲出一陣重工業的感覺，又似一個實驗工場，唔講唔知裡面其實食新派Fusion菜！

餐廳不斷嘗試各種食材組合和烹調方法，挑戰傳統飲食文化，如煙燻、sous vide （真空低溫烹調法）等，正如名稱「Lab」一樣，廚房就有如一個實驗室，不斷試驗新菜式，不斷改良。

招牌菜式：

芝士蕃茄醬黑豚肉柳：做法有點似意大利巴馬臣雞肉，不過用餐廳選用黑豚肉柳代替，黑豚肉柳經 sous vide 方式烹調，雖然厚身但口感鬆化。

青木瓜絲窩筍絲豬頸肉沙律：窩筍通常用作火鍋材料，而且多數厚切，但這裡就將窩筍刨絲，口感甜爽，再用蘋果木煙燻，而豬頸肉就吸收蘋果木香味，令味道更突出。

香草醬燒豬軟骨：豬軟骨每天用壓力煲做，不會放入雪櫃隔夜，否則肉鞋丶同一般ribs 一樣。中式鹵水煮，再塗上西式醬料，中間軟骨腍，淡淡肉

鹹蛋魷魚鬚：這道是泰國傳統菜式，不過現在已經買少見少，大大條魷魚鬚配上泰式鹹蛋醬和法包，泰式醬汁是加了蛋白煮出來的，除了微辣，竟然更離奇食出蟹粉味道，味道惹味甘香。

其他推介： 

Devil Choco：聽個名都夠邪惡的特濃朱古力，上面仲擠了厚厚的忌廉，賣相非常吸引。

生菜魚肉酸辣湯：以為在街邊常見的生菜魚肉，改以冬蔭功湯底所做，再不是味精加生粉水，但風味依然十足！