Kim’s Bowl（旺角東站店）

主打韓式外賣食品的Kim’s Bowl於旺角東站開新分店，新店位置更便利，方便匆忙的學生和上班族Grab & Go。

據店員指，店內有兩名韓國師傅駐場，不設餐桌，而且位置不多，顧客只可外賣帶走食品享用。

韓式食品種類不少，由粉絲、杯飯、紫菜飯卷，到年糕、小食串都有，售價由$20起，價錢算合理。

推介韓式牛肉泡菜杯飯（$25），配料不少包括牛肉、午餐肉和粟米，配以泡菜和沙律醬，作為午餐份量足夠。

顧客另可選擇粉絲杯（$32），內有豆腐和泡菜，味道不錯幾惹味，但粉絲比較「碎濕濕」，很難挾起。

不喜歡Kim’s Bowl杯飯及粉絲杯固定配搭的話，可揀「Create Your Bowl」；先選定配菜（如雜菜牛肉、醬燒雞肉等），再選主食（白飯、泡菜炒飯或粉絲），最後配上喜愛的醬料（如燒烤醬、柚子醋等），一份價錢由$42起。

除此以外，Kim’s Bowl另供應兩款韓式湯品，分別是泡菜純豆腐辣湯（$48）及海鮮純豆腐辣湯（$55），小編試飲了後者，味道都幾辣未必人人接受，海鮮份量亦不多，不太抵飲。

Kim’s Bowl也主力售賣多款韓式小食，比荃灣分店的款式較多，食品有年糕、魚蛋串、牛油粟米、韓國熱狗棒等。從小食之中，可見到Kim’s Bowl新店融合了香港美食的元素，例如將韓式年糕配搭魚蛋和香腸等；住旺角區的朋友，以後落車後、回家前有多個外賣選擇了。

以上食品為午餐menu，由11時起供應；11時前會供應早餐食品，有飯、拉麵及份量較少的紫菜飯卷之類。