豪江糕品專門店

早前「長洲芒果糯米糍」熱潮興起，街上開滿芒果糯米糍專門店，味道參差，熱潮很快就消失了。講到人氣歷久不衰的糯米糍，又怎少得傳統花生餡糯米糍呢！

豪江糕品專門店最近於北角琴行街開業，以售賣各款傳統糕點為主，包括一底底的臘味蘿蔔糕、爽口馬蹄糕，亦有小食如缽仔糕、芝麻卷、桂花糕等。

據負責人所講，小店原本位於北角春秧街，後來搬到現址；雖然店鋪不是位於大街之上，仍吸引到不少OL及後生一輩前來幫襯。

傳統口味以外，豪江亦將帶點東南亞色彩的班蘭融入港式經典小食之中，創作出班蘭缽仔糕、班蘭芝麻卷等，讓顧客有多個選擇。

另有買少見少的茶粿，分別有眉豆和豆沙餡，內裡餡料不多，放涼後外層變硬，味道不過不失。

小食價錢不貴，$5-10已有交易，不少人都會一次過買幾款，邊行邊食或回家買買享用。

花生糯米糍是豪江的另一招牌食品！一盒四件$15，放在手心上感覺到糯米糍相當墜手，份量十足。每日新鮮製作，外層夠薄夠軟糯，輕咬一口，內裡的花生餡已湧出來，食起上來都有點狠狽。（溫馨提示，大風時要食得特別小心…）

味道迎合港人口味，不會太甜；不過餡料內加入椰絲，未必人人受落。糯米糍每日產量不多，賣完即止，想食的話最好在2pm前幫襯，或者先致電小店查詢，以免撲空。

小食以外，豪江亦有出售樽裝飲品如馬蹄露和薏米水，每支$8，簡單又清熱的中式飲品最適合夏天飲用。馬蹄露十分足料，每啖都飲到爽脆的馬蹄粒和蛋花！