近來工廈的party room遍地開花，小編今日就想同大家介紹呢間位於新蒲崗工廈的8090s。

呢間party room 有board games玩之餘，仲有咩特別？就係有個大家兒時都玩過嘅波波池，重點係俾大人玩架，10位成年人走入去影相都得！

Party room仲有一個理念，就係Design ur own PARTY。店內有專員同大家一齊度橋搞驚喜，諗遊戲搞氣氛，等大家唔洗玩嚟玩去都係個幾味。

場內仲提供專業器材、音響，搞埋Mini Band Show都仲得！

去得Party當然唔少得要瘋狂影相啦，Party room仲可以化身成影樓，同大家一齊佈置場地，夠哂多功能。

仲有棉花糖機比大家D.I.Y棉花糖過下癮！

Party room場地唔算大，但容納十至二十人都無問題，收費為每位 $128/4小時，包一盒/一罐飲品，最低消費為八位 (十位內歡迎先電話/Whatsapp 查詢) 。4小時後可另加時，另特設通頂時段！想同班friend一齊開Party就記得上fb聯絡場主！

以上圖片來源：FB@8090s - Party Room

下頁: 另一間火炭Party Room都有波波池架!