正在閱讀
JetOne Motion 電玩體驗館 (觀塘店)

JetOne Motion 電玩體驗館 (觀塘店)

2016.04.15

近年VR(Virtual Reality)虛擬實境遊戲及產品相繼推出,要試玩並非難事,甚至行行下商場都有得玩。這間位於觀塘apm商場內的JetOne Motion電玩體驗館,面積雖小,但卻有一部VR眼鏡、一部VR座位及兩部賽車模擬器。 

大家可能對VR不太認識,只知道要戴上眼鏡玩,完了。簡單來說,當戴上VR眼鏡後,會感覺置身真實場景內,可能因為過度的驚嚇而大叫、冒汗等,因此深得不少遊戲玩家的喜愛。

  

當中的VR座位是體驗館主打遊戲,提供近數十款遊戲及體驗短片,其中小編試玩了兩款,分別是驚嚇度高的過山車、考反應的射喪屍遊戲。當坐上半鵝蛋型座位,職員遞上已消毒的VR眼罩,戴上後會看到使用教學,當適應後便正式開始遊戲。當過山車啟動後,座位會跟隨左右搖擺,衝下來的一刻會有微風,驚嚇度一般但左右兩邊望會發現有「朋友」陪玩又幾驚喜,玩完只是輕微流汗。

 

之後再試玩埋喪屍遊戲,這個遊戲難度較過山車高,要自己同時控制前進及射擊,還可以換槍,自問是打機新手的小編不停打圈,被喪屍殺死幾次,所以玩到有點頭暈想除下眼罩。

休息了半分鐘後,再試埋另一戲肉─VR眼鏡。雖然與VR 座位遊戲體驗性質一樣,但這個前方會連有顯示屏幕,外面的人都能看到玩家眼中的事物,相比VR座位,這個較適合一大班朋友來玩。遊戲一樣有睇頭,而且驚嚇度甚高,小編試玩了接籃球及電梯密室兩項遊戲,前者屬熱身類型,後者就.....小編太細膽,一邊玩一邊不顧儀態地尖叫慘叫,甚至不敢睜開眼,只能說「當局者迷,旁觀者清」。

 

賽車方面,收費較貴,15分鐘$120元,較另外兩項VR遊戲吸引力較低,適合追求賽車座位的真實感和音效的朋友來玩。小編是初哥,去普通機舖算吧。

 

下頁: 睇埋觀塘有咩玩? Crazy Cart、平衡車室內車場

活動資訊

  • 地點 觀塘apm商場6樓 
  • 開放時間周日至四 12pm-10pm;周五六日:12pm-11pm
  • 收費賽車15分鐘點費$120/ VR座位$60(包2個遊戲)/VR眼鏡$60