正在閱讀
木人巷

木人巷

2016.04.19

三十元內想吃到真鮑魚,除了美食博覽或工展會有機會外,更要排長龍才可以吃到。估不到,尖沙咀新開的小食店「木人巷」主打懷舊的港式小食外,更推出原隻鮑魚碗仔翅,每碗都有原隻真鮑魚,絕不欺場,吸引不少來光顧。

 

招牌的原隻鮑魚碗仔翅($28),原隻鮮鮑魚由元朗入貨,再加鮑魚汁炆入味。鮑魚鮮甜不韌,袖珍大小,如膠匙羹般大,水平不遜於中式酒樓。而碗仔翅有齊雞肉、冬菇、木耳及蛋花等,非常足料,湯底沒有市面普遍的死鹹味。

同時,新出了台式肉燥飯,自家製無味精肉燥,配上半隻滷蛋,分量十足,都只是$16,非常抵食。另外,有10款餸如滷水豬頸肉、滷水金錢展、滷水雞髀、滷水雞翼及滷水蛋等,任意加錢配搭,最貴的都只是$6。可以放心吃豪點,試多數個餸。

另外,滷水雞髀($16)都不可以錯過。大大隻雞髀,用秘製滷水汁醃過夜,肉厚入味不太腍,值得一試。

懷舊砵仔糕($10)一個,分別蔗糖同椰子兩款口味。口感煙韌,紅豆香腍,不太甜。還有,自家製的芒果布甸,芒果香甜,布甸奶味較重。

 

 

特有的奇趣三文治($12),中間的方包烘到脆卜卜,可配2款如朱古力榛子醬、花生醬等口味,非常特別。

 

 

 

活動資訊

  • 地點 尖沙咀金巴利道78號金輝閣地下D鋪
  • 開放時間星期一至五 7am-12mn 星期六及日 11am-9pm
  • 電話2351-8728