Igloo Dessert Bar

位於中環天星碼頭的雪糕店Igloo，英文店名直譯為「冰屋」，聽落已覺冰感十足；店內雪糕選擇多，而且在坊間比較少見，其實很多口味都是由老闆娘「隨心」製作而成的。

平日愛下廚的老闆娘喜歡整甜品，製作雪糕對她來說易如反掌，不過要成功寫出食譜，都要反覆試驗，最近成功之作就有靈感來自泰國的「檸檬草芒果雪糕」和「鹽味焦糖雪糕」「

Igloo 目前每星期都會轉轉menu，加入新口味，務求讓顧客有新鮮感。大路的有雲呢拿、朱古力、開心果等，簡單但美味的味道深受小朋友喜愛；不過要數Igloo的皇牌口味，一定要落足心機製作的「蘋果批味」！

雪糕加入蘋果批內的餡料，即是煮到軟身的蘋果粒粒，加上脆脆，食落真的跟「真．蘋果批」很相似。

喜歡食香蕉的你，必試這款特別推介的「花生醬香蕉雪糕」，不敗的組合結合果仁和水果的香氣，當中更加入了自家製士多啤梨果醬，酸酸的中和了花生醬的甜膩，絕對值得一試！

意式雪糕以外，Igloo亦供應軟雪糕，口味不時轉變。雖然夠滑，不過雪糕都幾實身，未必人人喜歡。

另有同樣自家製作的水果雪條，外型似朱古力Bar，小編推介超酸芒果味，味道非常消暑，食到中段更會嚐到果肉，有驚喜！

買完雪糕，臨走前可以讀讀店鋪燈廂的品牌故事，3位創辦人變身得意動物卡通，講述開店經過。搭天星小輪前，不妨到訪這間充滿童話感的雪糕店，在海邊嚐一點甜輕鬆一下。