正在閱讀
CC(長洲)炒雪糕

CC(長洲)炒雪糕

進駐旺中立食區後的CC(長洲)炒雪糕人氣再次急升,開業幾天已吸引到相當多年輕一族幫襯;雖然進駐鬧市,雪糕售價依然相宜,平均$30就有交易,而且份量都不少。

顧客可先挑選雪糕口味,有傳統的雲呢拿,也有綠茶、豆腐花等創意口味;之後再選擇水果或配料,如芒果、香蕉、粗粒花生醬和北海道紅豆等。 

當中自家製的冧酒提子更是首度登場,未曾在長洲推出;小店特意選用不同的酒浸製,包括RUM酒和白蘭地,迎合不同「酒鬼」的喜好。

據老闆所講,小店特別訂製炒雪糕鐵板,溫度低至負十多度。

先將一球自選口味的雪糕放在鐵板上,再用鐵鏟壓平,加入配料後重複摺疊,最後切成小件即可。製作工序看似簡單,但時間需要計算得很準確:「炒」太久會令雪糕鬆散或溶掉,「炒」不夠時間就不能將配料混入其中,都幾考功夫,人流較多時都較長。

在挑選雪糕方面,店主多番試驗下選取了口感較煙韌,冰感不重的土耳其雪糕,所以食落特別幼滑。

炒雪糕會伴以窩夫脆片,顧客亦可選擇加$2升級為窩夫杯,同樣是自家製作,蛋香味十呎兼非常香脆,抵食!

最後可加配朱古力醬、蜂蜜和可可粉等,令雪糕層次更豐富;不過小編建議不用追加,特別是味道已經夠豐富的榴槤炒雪糕($40)。

 

用上軟熟的金枕頭,與雲呢拿雪糕是最佳拍檔,味道香甜濃郁之餘帶點甘香;自認是忠實榴槤Fans的話,可試「特濃榴槤($48)」口味,榴槤份量多一倍,味道當然更「強烈」一點啦!

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠