1830s Macaron

最近極多小食店進駐的葵廣，又增添一名新成員啦！

位於葵涌廣場2樓的1830s Macaron，由幾名熱愛製作甜品的90後主理，主打特色雪糕Macaron，色彩繽紛的馬卡龍非常吸睛，加上香甜的味道，開業幾天已俘虜不少女生和小朋友。

店內的Macaron全由小店自家製作，有原味杏仁、朱古力及綠茶3味可供選擇，有大有小。大版Macaron上畫上不同卡通圖案，如Minions、Sailormoon 變身器、哈哈笑圖案等，還有韓國大熱的粉紅泡泡先生。

馬卡龍夾自選口味雪糕，加上兩款自選toppings，如朱古力針、Gummy Bear、朱古力波波等，每個售$38，樣靚之餘味道亦不俗！

自選雪糕口味包括大路的曲奇、朱古力、士多啤梨等，質地較黏較軟韌，溶化速度比較慢。心大心細的話，可以order前試食雪糕口味。

由於Macaron本身甜一點，建議配搭益力多和荔枝等微酸的雪糕，加上彩虹脆甜圈都不見過份甜膩。

想貪心一點食多幾隻味，可選擇Size 較小的純色馬卡龍，同樣夾着雪糕連配料，$28有三粒。小店特別推薦迷你綠茶雪糕Macaron（$25/兩件），輕輕帶點茶甘味，綠茶迷可以一試！

1830s Macaron 仍在試業階段，即將會推出更多款式的馬卡龍和雪糕飲品，密切留意。