冠味和食

平日打電話嗌外賣最多叫Pizza、炸雞、漢堡包等快餐，速遞全個「海膽餐」又試過未？

向來主要供貨給酒店的高級食材店「冠味和食」，最近更推出超豪華的「海膽套餐」；嚴選多款日本時令海膽，包括馬糞海膽和紫海膽，來自日本多個出產地，讓客人食到各處的鮮味。

為了保證新鮮，冠味和食有專人於東京築地市場購買海產，並與JAL日航有合作，食材統統由JAL飛機送抵香港，送至顧客時亦做足保冷工序。

清晨採購食材，下午抵達工場清洗及包裝，大概在傍晚時分，送貨團隊就會把食品速遞到顧客家中或辦公室。

海膽套餐一共有3款，包括「特撰海膽盛宴」、「海膽刺身盛宴」和「極上日本海膽盛宴」，價錢由$388起，價錢愈貴，海膽款式愈貴、愈矜貴，介紹如下：

1. 特撰海膽盛宴 $388

包括：原隻日本紫海膽1隻、一客鹽水海膽、一客北海道帆立貝海膽刺身、兩份海膽及三文魚籽卷和刺身飯

日本海膽以外，拼盤還加入了韓國及加州海膽，可以一次過嚐盡各地海膽的風味。

2. 海膽刺身盛宴 $488

包括：日本原隻海膽兩隻、一客鹽水海膽、一份海膽卷、一客北海道帆立貝海膽刺身及什錦刺身

跟$388套餐一樣，加入了韓國及加州海膽。

3. 極上日本海膽盛宴 $888

包括：原隻海膽3隻、一客鹽水海膽、一客北海道帆立貝海膽刺身，以及以馬糞海膽及紫海膽鋪成的海膽飯

全部選用來自日本的海膽，產地北海道、青森及岩手等地，可以一次過試勻6款海膽，包括日本馬糞海膽、紫海膽及赤海膽等，連生存期只有2-3天的活海膽都能供應，實在難得。

小編偏愛較細粒，但味道較甘甜的馬糞膽，入口即溶，無論當刺身淨食，抑或配搭壽司飯和以紫菜夾着進食，口感和味道都一流。不過套餐中的海膽飯只有一層薄薄的壽司飯，如果能提供多一點，會食得更過癮、更滿足！

當主食的話，最好只約3-4個朋友圍埋獨食！不過，小編覺得海膽套餐更適合當Party食品，以海膽飯代替生日蛋糕，最適合愛日本美食的朋友！

*海膽款式或會因供貨量而更改，訂購前記得先查問一下。

---------

訂購方法：

接受網上、電話、傳真、電郵及Whatsapp等方式訂購，每日3pm前落order，5pm付款確認後，第二日即可安排送貨。

*留意運送費用 

>>訂購網站<<