正在閱讀
彈彈旦

彈彈旦

2016.09.08

旺角登打士街和廣華街一帶向來是街頭小食集中地,最近就有一間由大隻男小鮮肉主理的小食店「彈彈旦」進駐!

顧名思義,小食店主打彈牙魚蛋,魚蛋全由馬來西亞入口,大小較平日食到的迷你一點。 

據負責人所講,小食店選擇魚蛋時有兩樣重要準則,第一就是要夠「彈」,第二樣就是不能夠有魚腥味。要同時兼顧到兩項條件,都花了很多時間和精力去挑選。

【相關文章】離地金箔龍蝦手卷
【相關文章】限定回歸「棉花厚多士」 

現時彈彈旦供應的魚蛋有兩種,分別是原味白魚蛋和金黃炸魚蛋。

貌似平凡的白魚蛋,原來在製出上都幾花功夫!小店放棄白烚方法,先以低溫大豆油將魚蛋解凍,再用百多度的油把它們輕輕炸後再「飛油」,魚蛋雖然不至脆皮,但外層明顯比一般烚魚蛋香口彈牙,誠意滿分! 

而炸魚蛋就用上日本天婦羅炸粉漿包裹,即叫即製,每粒都外脆內軟,就算不加醬汁都好吃。

 

食魚蛋,又怎少得醬汁呢!多款自家製醬汁之中,小編極力推薦「初榨椰子油咖哩汁」,由其中一名負責人的媽媽親自炮製,帶有緬甸風味。

咖喱汁入口先甜後辣,而且愈食愈辣,很過癮。食得辣的朋友亦可試試蒜香香辣汁,入口帶點四川香料風味,加入芝麻十分香口,與簡單鮮味的白魚蛋很夾! 

怕辣的話,不妨點選黑胡椒芝士醬,加入煙肉吊味增添鹹香。

簡單的街頭小食,配上秘製醬汁,有誠意之餘味道亦幾驚喜!唯獨定價比坊間一般魚蛋略高,白魚蛋$20十二粒,加汁魚蛋/炸蛋$20十粒,不過見小食店用料品質高,經過掃街的食客都表示抵食!

魚蛋以外,大隻男廚師亦積極研製出多款新食品,包括芝士炸蛋撈麵、糖水及功夫茶!小編推介非常足料的「薏米杏仁雪耳露」,啖啖雪耳好有咬口,美顏滋潤適合秋冬飲用。

活動資訊

評語

MarioChan
MarioChan 好食!同一般魚蛋唔同!
仲有好多口味揀!
10/09/2016 11:59