Two Two Chicken

雞全部都係雞！韓式炸雞店愈開愈多，最近又多間韓國過江龍炸雞店Two Two Chicken進駐香港，殺入大坑開設香港首間海外分店。Two Two Chicken於韓國已有300多間分店，澳洲及美國都找到其蹤影，非常受歡迎。

香港分店炸雞味道跟足韓國配方，炸雞醬汁炸粉及特製的真空壓力炸雞爐都由韓國運來，更派人專誠到韓國學師一個月，保證吃到韓國地道味道。

炸雞步驟非常講究，秘製醃料由韓國到港先放一日，然後放上雞件醃過夜，再風乾一日，需要整整三日時間準備。最後才可加上薄薄炸粉，用真空壓力炸雞爐高溫炸至半熟，客人柯打時再即叫即炸至全熟。炸雞熱辣辣皮脆肉嫩，外皮炸粉比一般薄。

Menu暫時提供6款炸雞如原味炸雞、香蒜炸雞、甜辣炸雞、香蔥炸雞、麻辣炸雞及照汁炸雞。每款選用900克的原隻巴西雞，即叫即炸，可選擇全份$148及半份$78炸雞。

香蒜炸雞在原味炸雞淋上生蒜造成的蒜香醬，蒜香味濃郁，炸雞脆卜卜，肉質嫩滑。

甜辣炸雞$178，塗滿自家製的韓式辣醬，味道香辣惹味，愈吃愈過癮。

另外，有香港限定的辣炸雞，做法參考四川味道，原味炸雞加上乾椒、指天椒及香粉等炒乾。入口麻辣帶香料味，味道較重，但有點乾身，適合嗜辣者的朋友們。

除了堂食，更提供外賣，可帶回家慢慢品嚐。

炸雞以外，更有香辣海螺冷麵$78，韓國辣粉配上韓國海螺肉及魚乾，拌上冷麵，惹味又有口感。

還有香港獨有的Mocktail，Snowing $68及Purple $68，分別用了菠蘿及雜莓沖調而成，味道清新，配炸雞一流。